Stress aur anxiety dono mental health se related hain, lekin dono mein kaafi farak hai. Stress ek external problem hoti hai, jabki anxiety ek internal problem hoti hai. Hum stress tab feel karte hain jab humare paas koi external tension ho, jaise loan ki EMI aa gayi ho aur paise na ho. Hum sochne lagte hain, “Paise kahan se denge?” Jaise-jaise EMI ka due date aata hai, stress level badhta jata hai. Lekin jaise hi EMI pay kar dete hain, stress level normal ho jata hai aur sab kuch theek lagta hai.
Lekin anxiety internal problem hai. Aapko koi physical symptoms nahi hote, koi real problem bhi nahi hota, lekin aap overthink karte ho. Aapko lagta hai, “Shayad mujhe cancer ho gaya hai,” bina kisi reason ke, aur jaise-jaise yeh thoughts barhte hain, anxiety attack aur panic attack ho sakte hain.
Stress Ko Samjho:
Aaj kal almost har insaan ko stress hota hai. Kisi ko thoda, kisi ko zyada. Aaj kal ke fast-paced lifestyle mein stress kaafi common hai. Agar aap school mein ho toh exams ka stress, agar aap job kar rahe ho toh target ka stress, aur agar aapne ghar liya ho toh EMI ka stress. Matlab, humare life mein stress hamesha saath chalta hai.
Aaj kal sab cheezein loan par li jaati hain—mobile, house, car, AC—par income utni nahi hoti. Kabhi-kabhi financial requirement zyada hoti hai, ya phir hum dusron se compare karte hain. Agar aapne ghar liya ho toh EMI ke stress ke saath ghar ka daily expense bhi hota hai, jo stress ko aur badhata hai.
Agar aap loan ki EMI nahi de pa rahe ho, toh stress level high ho jata hai. Aap sochne lagte ho, “Kahan se paise laoon?” Phir din bhar tension mein rehne se aapka stress level aur badh jata hai. Lekin jab EMI pay karne ke baad paise mil jate hain, toh aapka stress level normal ho jata hai aur sab kuch theek lagne lagta hai.https://www.apa.org/topics/stress
Stress Ke Common Symptoms:
- Gussa aana
- Sir dard hona
- Neend na aana
- Bhook na lagna
- Chidchida hona
- Aise lagna ki sir ke nas phat jayenge
- Blood pressure ka high hona
- Heart beat fast hona
- Haath-pair kaapna
- Pasina aana aur bechaini feel hona
Stress kisi bhi cheez se ho sakta hai—family, relationship, job, business, ya exams. Jaise agar aapko apne bachche ki school admission fees ke liye paise nahi mil rahe ho, toh aapko lagta hai, “Agar fees nahi di toh bachcha ek saal peeche ho jayega. Log kya sochege? Mera parivar kya sochega?” Yeh sochne se stress level barhta jata hai. Aise mein, jab paise mil jate hain aur admission fees bhar di jati hai, tab stress normal ho jata hai aur sab kuch theek ho jata hai.
Anxiety Ko Samjho:
Jaise stress hota hai, waise anxiety bhi hoti hai. Stress aksar external problems se hota hai, jaise kaam ka pressure, deadlines, ya life ke tough situations. Lekin anxiety ek internal problem hai. Ye humare negative thought patterns ka result hoti hai, jo hum bachpan se lekar aaj tak develop karte hain. Jab yeh negative thoughts itne strong ho jaate hain, toh yeh humare physical health ko bhi affect karne lagte hain. Jaise anxiety attacks ya panic attacks.https://www.mayoclinic.org/diseases-conditions/anxiety/symptoms-causes/syc-20350961
- Example for Better Understanding:
Ek example se samjhte hain: Agar kisi ke ghar mein heart attack se death hoti hai, toh woh bacha us baat ko apne dimaag mein fix kar leta hai. Usse lagta hai ki heart attack kabhi bhi ho sakta hai, chahe banda bimar ho ya na ho. Fir, uske dimaag mein yeh thought process chalne lagti hai:
“Agar main akele gaya toh mujhe heart attack aa sakta hai.”
“Agar main bathroom mein gaya toh mujhe heart attack aa jayega.”
“Agar main shaadi mein gaya toh DJ ki awaaz se mujhe heart attack ho sakta hai.”
Aise negative thoughts ka cycle chalne lagta hai, aur yeh panic attack ko trigger karne lagta hai.
- Symptoms of Anxiety:
Anxiety ke symptoms kuch is tarah hote hain:- Heartbeat fast ho jaana
- Marne ka darr
- Ghabrahat aur bechaini
- Overthinking – ek hi baat ko poori din aur raat sochnahttps://khuljamind.in/overthinking-solutions
- Saans lene mein dikkat
- Zyada sweating
- Neend na aana
- Haath-pair kaapna
- Muscle pain hona
- Focus na kar paana, bas yeh sochna ki “ab toh mar jaunga”
- Difference Between Stress and Anxiety:
Stress external problems se hota hai, jaise kisi deadline ka pressure. Hum samajhte hain ki yeh stress humare control mein hai, jaise kisi target ko achieve karna. Agar hum uspe kaam karte hain, toh stress thoda kam ho jata hai.
Lekin anxiety humare dimaag ki internal problems ka result hai. Jaise agar humne kabhi health issues ya death ke baare mein suna ho, toh humare dimaag mein yeh negative thought patterns develop ho jaate hain, jise hum thoda bhi overthink karte hain.https://khuljamind.in/anxiety-journey
- How to Reduce Stress and Anxiety:
Stress aur anxiety dono ko reduce karne ke liye kuch practical steps hain:- Regular walk lena
- Physical workout karna
- Achhi neend (8 ghante) lena
- Meditation aur mindfulness practice karnahttps://khuljamind.in/meditation-routine
- Cognitive Behavioral Therapy (CBT) ka form fill karna
- Apne dil ki baat friends ya family se share karna
- Positive affirmations sunna daily
- Family ke saath time spend karna
- Breathing exercises karna
- Screen time kam karna
- Conclusion:
Stress aur anxiety dono mental health issues hain jo hum apni daily routine mein thode badlav karke manage kar sakte hain. Agar phir bhi aapko problem ho rahi hai, toh ek specialist doctor se consult zaroor karein.
Aur yaad rakhein, apne baare mein acchi baatein sochna zaroori hai. Agar aapko yeh blog pasand aaya ho aur thodi madad mili ho, toh please comment, like, aur share karein @khuljamind.