Jab main chhota tha, meri ek girlfriend thi. Hum dono subah se shaam tak baat karte rehte the. Subah 9 baje uske papa office chale jaate aur raat 8 baje tak woh free hoti — aur is poore time hum lagatar call par hote. Time ka pata hi nahi chalta tha.
Par agar kabhi main usse call karta aur phone busy aata, toh bas mere dimaag ka fuse udd jaata. “Kisse baat kar rahi hai? Naya banda toh nahi aa gaya zindagi mein?” Main usse history maangta, jhagda karta, galiyan deta.
Woh ro padti, bolti – “Tum mujh par trust nahi karte. Main family se baat kar rahi thi.”
Par mujhe toh bas overthinking hoti thi — “Agar main busy hoon toh bhi tum doubt karti, toh main kyu maan loon?”
Mere insecurity ke chakkar mein, main uske upar chill karta, usse blame karta. Usne bola – “Main sirf tumse hi poora din baat nahi kar sakti.”
Aur mujhe laga – “Pehle toh kar leti thi, ab kya badal gaya?”
Breakup, Overthinking aur Stalking Ka Shuruat
Ek din jhagda itna badh gaya ke usne bola, “Breakup kar lete hain.”
Main bola – “Kar le, mujhe fark nahi padta.” Par dil ke andar kuch aur hi chal raha tha.
Breakup ke baad bas overthinking ka endless loop start ho gaya:
“Kya ab kisi aur se baat kar rahi hogi?”
“Himachal gayi thi, kya kisi smart ladke se mil gayi hogi?”
“Main doosri caste ka hoon, isiliye mujhe chhod diya?”
Main fake ID bana kar uske Facebook, WhatsApp, Instagram sab stalk karne laga. Truecaller check karta ki kisi se baat toh nahi ho rahi. Uska last seen, online status sab track karta. Agar raat 10 baje online dikhti, toh bas mera gussa phat padta.
Mujhe yaad hai — ek baar uska Facebook account hack karke uski chat history tak dekh li.
Aur jab mujhe laga koi ladka “hi hello” kar raha hai, bas fir toh main phone kar ke usse galiyan dene lagta.
Woh kehti – “Tu mujhe dhamki de raha hai? Tu pagal ho gaya hai kya?”
Main usse bolta – “Tere chatting tere mummy-papa ko bhej dunga.”https://psychcentral.com/lib/how-to-stop-overthinking-after-a-breakup
Overthinking Se Trigger Hua Mera Anxiety Attack
Breakup ke kuch mahine baad mere papa ko heart attack aa gaya.
Main hil gaya. Subah tak sab theek tha, aur achanak heart attack?
Fir mere mind mein naya fear ghus gaya –
“Kahin mujhe bhi heart attack na aa jaye?”
“Main left side soota hoon, video mein suna tha ke left side sone se heart attack aata hai.”
Yeh baat mere dimaag mein chipak gayi. Raat ko galti se left side soya toh shock mein uth jaata, side change karta. Kabhi neend hi nahi aati.
Ek din news aayi — ek young bodybuilder, jo mere age ka tha, uski death ho gayi heart attack se.
Bas us din se gym jaana bhi bandh.
Raat ko chest mein halka sa discomfort hua, aur main panic ho gaya — “Bas ab toh heart attack aa gaya.”
Mummy se bola – “Hospital le chalo mujhe, main marne wala hoon.”
Hospital gaya. BP, ECG sab normal. Doctor ne bola – “Anxiety Attack hai.”
Maine pehli baar suna tha anxiety attack ka naam.
Ghar aake Google, YouTube sab khol diya.
Tab jaake pata chala — Overthinking se anxiety banti hai. Aur anxiety se physical symptoms aate hain — jaise ki heart attack jaisa feel honahttps://khuljamind.com/overthinking-2/
CBT: Dimaag Ko Reprogram Karne Ka Tareeka
Jab maine CBT — Cognitive Behavioural Therapy ke baare mein padha, toh samajh aaya:
Hum jo sochte hain, wahi feel karte hain.
Agar hum negative soch rahe hain, toh har cheez negative lagegi.
Har “hi” ke peeche affair lagega. Har “busy tone” ke peeche cheating.
CBT ne mujhe sikhaya — apne thought pattern ko challenge karo.
Jab bhi overthinking aaye, usse likho, pucho:
“Iska proof kya hai?”
“Kya yeh fact hai ya bas mera fear?”
Jaise jaise maine practice kiya, waise waise mind calmer hua.https://www.mind.org.uk/information-support/types-of-mental-health-problems/cognitive-behavioural-therapy-cbt/
Key Takeaways:
- Overthinking kills trust, relationships, aur peace.
- Mind ko train karo — har thought sach nahi hota.
- CBT ek powerful tool hai jisse aap negative thought pattern ko challenge kar sakte ho.
- Medication help kar sakti hai, but permanent solution awareness aur practice se aata hai.
- Positive soch, achhe logon ki company aur daily mindfulness is the real game changer.
Agar tum bhi kabhi aise kisi loop mein phase ho, toh yaad rakhna:
Tooti hui record ko bajne se rokna tumhare haath mein hai.
Mind ko reset karo. Trust build karo. Aur zindagi ke liye jeeyo.
Conclusion:
Overthinking ek aisi fire hai jo andar hi andar sab kuch jala deti hai — pyaar, dosti, trust, neend, aur khud par bharosa.
Hamare thoughts agar ek tooti hui record ki tarah baar-baar wahi negative cheez bajate rahein, toh zindagi ruk jaati hai.
Lekin good news yeh hai — yeh loop todna possible hai.
Aapko bas:
- Apne thoughts ko observe karna hoga
- Unhe challenge karna hoga
- Aur dheere-dheere positive pattern banana hoga
CBT ho ya journaling, meditation ho ya mindful routine — aaj se shuruaat karo.
Kyunki agar tumne apne mind ko control kar liya, toh duniya ki koi cheez tumhe tootne nahi degi.
“Soch badlo, zindagi badal jaayegi. Mind master banega, toh life peaceful banegi.”https://khuljamind.com/overthinking/