"Young man holding chest and head with painful expression, showing anxiety or cardiophobia symptoms"

Dil Ki Dhadkan Ka Dar (Cardiophobia Anxiety): Symptoms, Causes & Treatment

by

Cardiophobia ek aisi anxiety disorder hai jisme banda har waqt heart attack ka darr feel karta hai. Jaane iske symptoms, causes aur effective treatment jisse main khud isse bahar aaya.

Anxiety Kya Hai?

Anxiety ka matlab hai mann mai kisi cheez ka constant darr rehna — chahe apne ko kho dene ka darr ho, ya apni jaan khone ka darr. Isi se anxiety ki shuruaat hoti hai.

Anxiety bhi alag-alag types ki hoti hai. Jaise social anxiety, jisme insaan ko dusron se baat karne mai ya public mai apne aapko express karne mai problem hoti hai.

Mere case mai sabse bada darr tha heart attack ka. Jab bhi dil ki dhadkan tez hoti thi ya halka chest pain feel hota tha, mujhe lagta tha ki bas abhi heart attack aa gaya. Isi condition ko kehte hain Cardiophobia — matlab heart se related anxiety, jisme insaan ko lagta hai ki use kabhi bhi heart attack aa sakta hai.https://khuljamind.com/anxiety-10/

Cardiophobia Kya Hai?

Cardiophobia ek aisi health anxiety disorder hai jisme banda apne dil ki har activity ko over-monitor karta hai:

  • Agar dhadkan tez hui → darr.
  • Agar chest tight hua → darr.
  • Agar BP ya heartbeat thoda bhi upar-niche hua → darr.

Yeh darr itna strong hota hai ki banda apne hi mind ke chakkar mai fas jaata hai.https://my.clevelandclinic.org/health/diseases/24869-cardiophobia

Cardiophobia Ke Symptoms

Mere experience mai Cardiophobia ke symptoms kuch aise the:

  • Bar-bar apni heartbeat check karna (haath rakh ke ya smart watch se)
  • Har waqt heart attack ka darr rehna
  • Chest pain ya tightness ko bada chadha ke sochna
  • Breathing problem (jaise saans atak rahi ho)
  • Heart palpitations, tremors ya body shake hona
  • Har waqt Google pe search karna: “Heart attack symptoms at young age”, “sudden death from heart problem”

Ye sab real lagta hai, lekin asal mai yeh sirf anxiety ka effect hota hai.https://my.clevelandclinic.org/health/diseases/cardiophobia

Mere Experience Se

Jab maine is phase ko pehli baar experience kiya, toh mujhe sach mai laga ki mera last din chal raha hai. Dil ki dhadkan itni tez thi ki raat bhar neend hi nahi aayi.

Doctor ke paas gaya, ECG aur blood tests karwaye. Reports normal thi, par mann ko chain nahi tha. Har baar lagta tha ki “shayad doctor ne kuch miss kar diya hai”.

Main roz apna BP check karta, pulse count karta, aur din raat Google pe search karta tha. Mujhe lagta tha ki mujhe koi hidden heart problem hai jo abhi nikal ke aayegi.

Par asal baat yeh thi ki main Cardiophobia ka shikaar tha — matlab mera darr hi meri asli problem ban gaya tha.https://khuljamind.com/anxiety-8/#

5 Cheezein Jisse Main Cardiophobia Se Bahar Aaya

1. CBT (Cognitive Behavioural Therapy)

CBT anxiety aur mental health ke liye sabse best therapy hai. Research bhi kehti hai ki iska effect medicines ke barabar hota hai.

CBT ka focus hota hai negative thought patterns ko todkar unhe positive thought patterns se replace karna. Jaise hi hum baar-baar positive soch se negative soch ko challenge karte hain, dheere-dheere mind relax hota hai aur anxiety ka level girta hai.

2. Positive Affirmation

Maine ek routine bana liya tha:

  • Subah uthte hi affirmations sunta tha
  • Raat ko sote waqt affirmations sunta tha

Affirmations se din ki shuruaat aur ending positive ho jaati thi. Dheere-dheere negative thought patterns weak hote gaye aur positive soch develop hoti gayi.

3. Meditation Aur Breathing Exercise

Sabse badi fight meri khud ke mind se thi. Bar-bar darr aata tha:

  • “Kahin main pagal na ho jaaun”
  • “Kahin main mar na jaaun”
  • “Kahin mujhe badi bimari na ho jaaye”

Meditation aur breathing exercises ne yahan bahut help ki.

Simple Trick:

  • Kamre ki deewar par ek dot bana lo aur us par 2 minute focus karo.
  • Dheere-dheere 10–15 minute tak badhao.
  • Phir aankh band karke apni saans par dhyaan do.

Breathing exercise ke fayde:

  • Focus improve hota hai
  • Lungs aur heart healthy bante hain
  • Anxiety aur palpitations kam hote hain

4. Doctor Ko Checkup Karna

Routine aur therapy apni jagah sahi hain, lekin jab tak tum doctor se consult nahi karte, tab tak asli solution nahi milta.

Bahut log darr ke maare doctor nahi jaate, par sach yeh hai ki anxiety aur panic disorder treatable hain. Medicines 6–12 months tak chalti hain aur lifestyle change ke saath jaldi band bhi ho jaati hain.

Isliye doctor ke paas jaana sabse pehla step hona chahiye.

5. Screen Time Kam Karna

Har waqt phone chalana aur social media scroll karna mind ko aur disturb karta hai.

  • Doosron se compare karke depressed feel hota hai
  • Fake lifestyle dekh kar lagta hai ki hum kuch nahi kar rahe
  • Negative news se dimaag aur heavy ho jaata hai

Solution:

  • Sone se 1 ghanta pehle aur uthne ke 1 ghanta baad phone na use karo
  • Daily screen time fix karo
  • Sirf positive aur growth-oriented content dekho

Conclusion

Cardiophobia ka root hai negative thought pattern. Jab tak usse positive thought se replace nahi karte, anxiety khatam nahi hoti.

Apne aapko busy rakhna bahut zaroori hai:

  • Gym jao ya sport khelo
  • Book pado
  • Positive logon ke saath time bitao

Aur agar anxiety zyada ho gayi hai, toh doctor consult karna hi sabse important hai.

Agar tumhe yeh blog pasand aaya, toh please like, share aur comment karo. Shayad yeh kisi aur ki zindagi bhi badal de.

Leave a Comment