Jab Pehli Baar Sunte Ho..Mujhe Anxiety Hai
Jab kisi insaan ko pehli baar pata chalta hai ke,Mujhe anxiety hai, toh sabse pehla sawaal hota hai — Anxiety hoti kya hai?
Woh Google kholta hai, YouTube pe search karta hai, articles padhta hai… par fir bhi clear jawab nahi milta. Har jagah wahi likha hota hai:
Mental health problem hai, stress se hoti hai, overthinking se hoti hai…
Par asli wajah? Uske peeche ki story?
Woh koi nahi batata.
Family se poocho toh unka jawab hota hai:
Tu zyada sochta hai, sochna bandh kar, sab theek ho jaayega.
Pura din vella baitha rehta hai, koi kaam-dhanda kar.
Par koi yeh kyun nahi sochta — koi khud se kyun ladna chahega?
Anxiety Ki Shuruaat Kahaan Se Hoti Hai? (5 Real Reasons)
1. Childhood Pressure & Constant Comparison
Mere dost ke bete ke 98% aaye. Tere toh 33% bhi aa gaye toh badi baat hai
Yeh line hum sab ne suni hai. Motivate karne ke bajaye, hamesha compare kiya gaya.
- Tu kuch nahi kar sakta
- Paisa barbaad kar raha hai
- Fail ho gaya toh muh dikhane layak nahi
Bachpan mein anxiety ka pehla beej lag jaata hai. School exams mein stress itna hota hai ke jo aata hai woh bhi bhool jaate hain.
2. Overthinking: Jab Sochna Ban Jata Hai Pareshani
- Usne mujhe aisa bola… main kya bolta
- Agle baar main yeh bolunga…
Bachpan ke choti-choti moments — doston ki baatein, teacher ki daant — dimag mein chipak jaati hain.
Raat bhar wahi soch chalte rehti hai.
Overthinking slowly anxiety mein badal jaati hai. Aur tu khud nahi samajh pata ke kab shuru hui thi yeh problem.
3. Toxic Environment – Ghar Ho Ya School
- Tujhse kuch nahi hone wala
- Pura din toh ghoomta rehta hai
- Do ghante padhaayi kar le, bas
Ghar bhi judge karta hai. School bhi. Teachers bhi ignore karte hain. Kahi baar tuition teacher bhi phone pe lage rehte hain.
Is beech mein ek bacha — sirf tutne lagta hai.
4. Fake Lifestyle = Real Anxiety
College mein life set hone ka sapna leke jaate hain, par wahan:
- Koi iPhone flaunt kar raha hai
- Koi car leke aaya hai
- Koi foreign trip pe gaya hai
Hum apne reality se sharmane lagte hain.
Comparison shuru hota hai:
Wo 10,000 se crore kama gaya, main kya kar raha hoon
Main mummy-papa ke liye kuch kar bhi paunga ya nahi
Yeh constant dikhawa, expectations, aur guilt — sab anxiety ko feed karte hain.
5 Fear Becoming Reality – Jab Dar Real Lagta Hai
Mere relative ko heart attack aaya… yaaar mujhe bhi ho sakta hai
Main marr gaya toh mummy ka kya hoga
Ek choti si thought — fir 1 din, fir 2 din…
Yeh thought pattern ban jaata hai. Negative loop.
Left hand pain? Heart attack.
Chest tightness? Main jaa raha hoon.
Yahi hoti hai health anxiety. Aur isi tarah ban jaati hai full-blown panic disorder.
✅ Anxiety Ka Solution Kya Hai?
Anxiety ajeeb nahi hai. Na tu weak hai. Na tu akela hai.
Anxiety har kisi ko hoti hai — bas koi bolta hai, koi chup rehta hai.
Par solution hai.
5 Cheezein Jo Kaam Karti Hain:
- Apne emotions ko likhna ya bolna
- Daily journaling
- Meditation & deep breathing
- Thodi walk subah ya shaam
- Apna routine set karna, screen time kam karna
Main khud is phase se guzra hoon — isliye yeh blog likh paaya hoon.
Agar tu is blog ko padh raha hai, toh bas yaad rakh:
Tu akela nahi hai.
Tu theek ho jaayega.
Tu already healing process mein hai.
1 thought on “Anxiety Kya Hoti Hai? 5 Main Reasons Jo Har Indian Ko Samajhne Chahiye”