Mere Anxiety Ki Kahaani

by

Mere Anxiety Ki Kahaani

Yeh sab start hua tha ek simple si raat se. Main sone gaya tha, lekin neend hi nahi aa rahi thi. Dimag mein bas ek thought loop chalu ho gaya – papa ko heart attack aaya tha, toh kya mujhe bhi ho sakta hai?

Mujhe laga main bhi mar jaunga. Dil mein ek ajeeb si ghabrahat ho rahi thi. Saans tezz chal rahi thi. Lekin main ne socha chhod yaar, sone ki koshish karta hoon. Jaise-taise neend aa gayi.

Lekin woh ek thought – “kahi main mar na jaun” – mere andar baith gaya.https://theswaddle.com/tag/anxiety/

Agli kuch din mein YouTube pe, Google pe search karne laga – “heart attack ke symptoms,” “left hand pain ka matlab,” “anxiety ya kuch aur?” Jab bhi left hand mein thoda pain hota, main ghabra jaata. Aur fir main uss pain ko feel karne lag gaya har waqt. Overthinking peak pe chali gayi.https://yourdost.com/blog/2022/06/overthinking.html

Ek din gym ke baad saans lene mein thodi dikkat hui. Mummy ko bola. Unhone bola, “Neend poori nahi hui hogi, zyada mat soch.” Lekin main raat bhar so nahi paya. Darr itna zyada tha ki bas subah hone ka wait karta raha.

Subah chhote bhai ko bola – “Yaar, saans lene mein dikkat ho rahi hai.” Usne bola – “Tu overthink kar raha hai, chhat pe chal, ganna sunte hain.” Chhat pe gaye, thoda better laga. Lekin ekdum se aankhon ke saamne andhera chha gaya. Mujhe laga main gir jaunga. Bhai ko bola – “Mujhe kuch ho raha hai.” Neeche mummy ke paas bhaga – “Mujhe heart attack aa raha hai.”

Hospital le gaye. BP, ECG sab normal. Sirf heartbeat tezz thi. Injection laga, ghar bhej diya.

Lekin raat ko fir wahi darr – “Agar main mar gaya toh?”
Fir hospital, fir check-up – sab normal.

Yeh silsila chalta raha. Har 2-3 din mein hospital jaata, ECG karwata. Kabhi Baddi, kabhi Nalagarh, kabhi Chandigarh.

Ek din PGI ke retired doctor ke paas gaya. Unhone mujhe seriously suna. 10 minute ke andar mujhe pehchaan liya. Maine poocha – “Sir, kya mujhe heart problem hai?”
Unhone bola – “Beta, tujhe anxiety hai. Tu overthink kar raha hai.”
Mujhe dawa di. Dawa se thoda relief mila. Mujhe laga theek ho gaya.

Lekin curiosity rahi – yeh anxiety hoti kya hai?https://khuljamind.com/anxiety-kya-hoti-hai-5-main-reasons-jo-har-indian-ko-samajhne-chahiye/

Main YouTube pe videos dekhne laga. Ek video mein suna – “Jitna zyada sochoge, utna zyada feel hoga.”
Aur mujhe laga – haan, yeh toh mere saath ho raha hai!

Fir main apne thoughts ko observe karne laga.
Jo sochta tha, wahi feel karta tha.
Negative soch – negative body reaction.
Positive soch – thoda sa relax feel.https://www.careinsurance.com/blog/health-insurance-articles/symptoms-causes-and-treatment-of-anxiety-in-hindi

Phir mujhe samajh aaya –
Anxiety ek dar hai, reality nahi.
Dimag ka bhoot hai.
Aur us bhoot se ladne ke liye mujhe apna lifestyle change karna padega.https://khuljamind.com/anxiety-6/

3 thoughts on “Mere Anxiety Ki Kahaani”

  2. Thank you for sharing your story—it takes real courage to open up about anxiety. So many people go through it silently, and your words can make others feel less alone. You’re stronger than you think, and every step forward matters.Your story touched my heart deeply. The way you put your feelings into words is so raw and real — I felt every bit of it. Anxiety can be such a heavy burden but Please know you’re not alone, and your strength shines even on the days you feel weak. Thank you for reminding us that it’s okay to feel, to struggle, and to keep going anyway

    Reply

Leave a Comment