Anxiety aajkal bohot common word ho gaya hai. Aajkal hum kaafi sunte hain, “Yaar, main phad mein jaata hoon, mujhe anxiety hone lagti hai,” ya phir, “Yaar, main hospital jaata hoon, mujhe anxiety hone lagti hai.” Yeh anxiety word itna normal ho gaya hai, lekin apne bhi kabhi na kabhi school mein feel kiya hoga, jab ap class mein baithe hote the aur madam question puchti thi. Hum sochte the, “Yaar, mujhe na puchta answer mere mann mein tha,” aur andar se bohot saare darr hote the. Agar galti se madam humse uta le, toh bas fir toh heart beat fast ho jaati thi, kuch samajh nahi aata tha, kya bolun, kya nahi.
Yeh exam ke time humare mann mein yeh hi chal raha hota tha, “Yaar, jo maine padha wohi aaya.” Matlab, paper lene se pehle bhi ghabrahat shuru ho jaati thi. Agar exam aata tha toh theek tha, lekin agar exam nahi aata tha, toh overthinking hone lagti thi. “Agar main fail ho gaya toh kya hoga? Mere mummy papa kya bolenge?” Matlab, ek ke baad doosra question mind mein automatic repeat hona lagta tha. Aur woh humme pata bhi lagta tha ke woh humare mind mein negative pattern bana rahe hain.
Jaise hum job dhoondhte hain, toh pehle toh hum sochhte hain, “Yaar, mujhe job mil jaaye,” agar koi bata de ke “Yaar, yeh job ki vacancy hai,” toh hum yeh soch-soch ke poori raat darte rehte hain, “Yaar, pata nahi mujhe kya puch lega, main uska jawab de paunga ya nahi.” Main kya kapde pehen ke jaaun, formal pehene, jeans pehene, yeh sab cheezein mind mein chalti rehti hain. Jab interview aata hai, toh hum pehle se soch lete hain, “Agar vo introduction puchhe toh main kya jawab dun?” Par meri English theek nahi hai, toh kaise bol paunga? Matlab, ek negative pattern ka loop start ho jaata hai.
Lekin shuru mein anxiety thodi kam hoti hai. Jaise kisi aisi situation mein jana jahan humein darr lagta hai, hum ignore karte hain, ke “Chhodo, us time, us jagah hoti hai.” Lekin kabhi kabhi koi rishtedaar aa jaata hai ghar par aur apse sochne lagte ho, “Yaar ab yeh pata nahi kya puchenge, 100 sawaal karenge, mujhe judge karenge.” Yeh bohot cheezein tumhare andar chalne lagti hain, ke “Yaar kab jayega ghar se, kyunki tum bahar jaane ki anxiety feel karte ho, us jagah se bhag sakte ho, lekin ghar se kaise bhagoge?”
Matlab har jagah anxiety hone lagti hai. Shuru mein thode kam level par hoti hai, par jaise jaise age badhti hai, aur negative pattern tumhare mind mein aur strong ho jata hai, toh woh physical bhi dikhne lagta hai. Jaise agar tumhare kisi family member ya known ki heart attack se death ho gayi ho, toh tum us baare mein overthink karne lag jaate ho, “Yaar agar mujhe bhi heart attack aa gaya toh?”
Mujhe hospital kaun lekar jaayega, “Main marr gaya toh maine toh abhi duniya bhi nahi dekhi, abhi meri shaadi bhi nahi hui.” Aise negative pattern ban jaata hai aur vo continuous tumhare dimaag mein chalne lagta hai. Thoda sa tumhare left hand mein dard hota hai, toh tumhe lagta hai, “Bas mujhe heart attack aa gaya.” Thoda chest bharpan hota hai, toh tumhe lagta hai, “Bas mujhe heart attack aane wala hai.” Thodi sweating hoti hai, aur tumhe lagta hai, “Main toh suna tha heart attack se pehle sweating hoti hai, yeh mujhe ho rahi hai, matlab mujhe heart attack aa raha hai.”
Uske baad tum hospital mein jaake test karne lagte ho. ECG, echo, cholesterol test, sab reports normal aati hain, lekin tumhe lagta hai, “Nahi yaar, kuch na kuch problem toh hai.” Tum yeh tak soch lete ho ke “Kuch toh report galat aa jaayega, main us cheez ke medicine kha lunga.” Kabhi kabhi anxiety attack aata hai, toh lagta hai, “Bas ab main marr gaya, mujhe hospital le jao.” Usmein tumhe aise feel hota hoga, “Yaar meri heartbeat bohot fast ho gayi hai, bas ab main marr gaya, mujhe attack aa gaya.” Jismein tumhe lagta hai, “Main bilkul breath lene mein dikkat mehsoos kar raha hoon, dheere dheere apne aapko dekhte ho ke sab kuch blank ho gaya hai, aur tumhe lagta hai, “Main marr jaunga.”
Uske baad sab tests karte ho aur sab tests normal aate hain. Tumhe injections lagte hain, lekin tumhe lagta hai, “Ab main theek ho gaya.” Yeh sab tumhare mann mein jo bachpan se negative pattern bana, jo shuru mein utna strong nahi tha, lekin age ke saath jitne tumne negative socha, vo aur zyada strong ho gaya hai. Isliye pehle toh bas ghabrahat hoti thi, jo andar se normal ho jaati thi, lekin ab jo anxiety hai, tum physically feel karne lagte ho, kyunki tumhara negative pattern bohot zyada strong ho chuka hai aur tumhe lagta hai woh tumhare saath ho raha hai.https://khuljamind.com/anxiety-kya-hoti-hai-5-main-reasons
Anxiety Ke 5 Psychological Reasons
1. Overthinking
Anxiety ki shuruat zyada sochne se hoti hai. Jaise maan lo, agar tumhara weight thoda kam ho gaya hai, toh tumhare dimaag mein yeh thought aata hai – “Yaar, main toh fit tha, agar mera weight itna kam ho gaya hai toh shayad mujhe cancer toh nahi ho gaya?” Phir tum sochne lagte ho, “Agar mujhe cancer ho gaya toh kitna paisa lagta hai treatment mein, India mein toh cancer ka ilaaj achha nahi hai, sab celebrities bhi bahar jaate hain treatment ke liye…” Aise chhoti baatein humare dimaag mein badi ban jaati hain aur hum tension lene lagte hain ki shayad kuch serious ho gaya hai, jabki actually kuch bhi nahi hota. Yeh sab humare overthinking ka natija hota hai. Humari soch itni negative ho jaati hai ki ek normal baat ko bhi hum itna bada bana lete hain ki dar lagne lagta hai. Overthinking ki wajah se hum apni health ko lekar anxiety aur panic attacks feel karte hain, jabki reality mein kuch bhi galat nahi hota.https://khuljamind.com/overthinking-kya-hai-meri-kahani
2. Childhood Trauma
Hum sabne apne bachpan mein kuch na kuch aise experiences dekhe hote hain jo humari zindagi pe asar daalte hain. Middle class family mein sab kuch paison pe depend karta tha. Har baar jab kuch chahiye hota tha, sabse pehle yeh sawaal aata tha, “Paise hain?” Agar paise hote bhi the, toh ghar wale keh dete the, “Nahi, tumhare paas itna paisa nahi hai.” Yeh cheezein bachpan se hi humare dimaag mein apne sapno ko todne ki soch daal deti hain. Jab hum kisi aur ki success dekhte hain, toh hum sochte hain, “Yeh kaise ho gaya? Yeh log toh kuch na kuch ghalat kar rahe honge, tabhi yeh success mil rahi hai.” Yeh negative thinking humare dimaag mein daal di jaati hai aur hum kabhi kisi ko appreciate karna nahi seekhte. Mere apne personal childhood trauma ki baat karu, toh jab meri family ko koi problem hoti thi, main dar ke maare kuch nahi kar pata tha. Mera dimaag bar-bar yeh sochta rehta tha, “Agar kuch galat ho gaya toh?” Yeh anxiety jo bachpan mein humare andar build hoti hai, woh aage chalke humare emotional aur mental health pe bohot bada asar daalti hai.https://www.apa.org/topics/anxiety
3. Low Self-Esteem aur Self-Criticism
“Log kya sochenge?” Yeh soch humare liye bohot bade tension ka kaaran ban jaati hai. Humari aadhi life is soch mein nikal jaati hai ki log humare baare mein kya sochenge. Agar humare marks kam aaye, toh hum sochne lagte hain, “Log kya sochenge?” Agar humne koi galat decision liya, toh hum apne aapko criticise karna shuru kar dete hain. Yeh self-criticism humare andar itni zyada negativity bhar deta hai ki hum apni abilities pe doubt karna shuru kar dete hain. Jaise agar school mein presentation deni ho, toh hum itni baar sochne lagte hain, “Agar main galat bol diya toh?” Aur agar galti ho gayi toh? Yeh sab humare self-confidence ko dheere dheere kam kar deta hai. Hum apne aapko underestimate karte hain aur phir internally anxiety aur self-doubt create hota hai. Yeh sab cheezon se bachna bohot zaroori hai.https://www.nimh.nih.gov/health/topics/anxiety-disorders
4. Lack of Control aur Uncertainty ka Dar
Jab hum apni life mein kisi relationship ya situation mein apne control ko feel nahi karte, tab uncertainty ka dar humare andar anxiety ko badhata hai. Jaise agar tum apni girlfriend ke baare mein soch rahe ho, aur tumhe lagta hai ki tumhare paas uska pura control nahi hai, toh yeh uncertainty tumhe anxious bana deti hai. Tum sochne lagte ho, “Agar kuch galat ho gaya toh? Agar woh kisi aur se baat karein?” Yeh cheez apne dimaag mein baar-baar chalti rehti hai, aur tum apne control ko feel nahi kar paate, jo tumhare anxiety ka main reason ban jaata hai.https://khuljamind.com/maine-bina-doctor-ke-anxiety-ki-dawai-chhodi
5. People-Pleasing aur Boundaries Ki Kami
Mera dil keh raha tha, “Nahi yaar, mujhe nahi jaana,” par dost ne bola, “Aaja yaar, chal!” Toh main chala gaya. Mera dil keh raha tha, “Yaar, main nahi jaana chahta, par dost ke liye jaana padega.” Kaisa hai yeh? Kab tak hum apne aapko bhool kar doosron ko khush karte jayenge? Har time, jab dost bolte hain, “Chal yaar, yeh kar le,” toh hum bas haan kar dete hain, apne dil ki sunte nahi. Kahan tak, yaar? Kab tak apne liye nahi jeeyenge, sirf doosron ko khush karte rahenge? Mummy-papa kehte the, “Mat ja, yeh mat kar,” par hum kabhi sunte nahi. Kyunki hum sochte hain, “Agar main yeh nahi karunga, toh wo bura maan jayenge.” Par yaar, kiski zindagi mein aise jeene se kuch nahi hota. Kya tum har waqt doosron ko khush karte rahoge? Jab tak tum apni boundaries set nahi karoge, apne aapko nahi samjhoge, tab tak yeh cycle chalta rahega. Tum khud ko ignore karte jaoge aur apne doston, family, ya kisi aur ke liye apni feelings ko daba doge. Par sach yeh hai ki agar tum apni feelings ko ignore karoge, toh wahi anxiety ka reason banega. “Nahi” bolna seekho, apne liye jeena seekho. Tumhare asli dost tumhare “na” ko samajh jayenge, agar nahi samajhte toh wo dosti bhi questionable hai. Apne aapko priority do, khud se pyaar karo. Doosron ko khush karte karte apne dil ki sunna mat bhoolna.
Agar tumhe yeh post thoda bhi relatable laga ho, toh apne thoughts aur experiences comment section mein zaroor share karo. Agar tumhe lagta hai ki tumhe apne anxiety ko samajhne aur usse deal karne ke liye thodi madad chahiye, toh apne doston ko yeh blog bhejo. Tumhara journey bhi important hai, aur ek chhoti si help kabhi bohot bada change la sakti hai. Khud se pyaar karo, apni boundaries set karo, aur apne mental health ko priority do!
Join the conversation, share your experiences, aur agar yeh post tumhe helpful laga ho, toh apne friends ke saath share karo!https://khuljamind.com/mere-anxiety-ki-kahani
Anxiety can be a serious issue unless you find the right way to deal with it.