Aajkal ke lifestyle mein anxiety ek common word ban gaya hai. Har doosra banda isse face karta hai, aur iski wajah kaafi cheezon se judi hai. Aajkal log apni feelings aur emotions social media par share karte hain, apne asli doston ki jagah virtual doston ke saath baat karna zyada prefer karte hain. Social media pe log apni fake lifestyle dikhane mein busy rehte hain — jaise ki likes, followers, aur comments ka chase karna. Aajkal log bas is baat mein lagte hain ke kaise viral ho sakte hain.https://khuljamind.com/kya-anxiety-normal-hai-har-kisi-ko-hoti-hai-kya/
Mahaul aisa ho gaya hai ke jo social media par hit hai, wahi success dikhayi jaati hai. Unke paas mehengi cars, bade ghar, aur khud ki brand hai, toh doosre log unse inspire ho kar apni zindagi ko compare karte hain. Yeh sochne lagte hain ki “main kab tak yeh sab paaunga? Main sirf ₹15,000-20,000 mahine kamata hoon, kya main kabhi itni mehengi car khareed paaunga?”
Yeh sochne se depression aur anxiety hoti hai. Hum yeh bhool jaate hain ke har kisi ki zindagi ka safar alag hota hai. Agar kisi ke paas bahut paise hain, toh usse zaroori nahi ki unka life genuine ho. Hum apni mehnat aur sapno pe focus karna chahiye, na ki doosron ki zindagi se apna comparison karna.
Ek recent incident mein ek influencer ka case samne aaya, jo apni car collection dikhane ke liye social media par popular tha. Lekin jab unhe kuch legal issues hue, toh unke parents ne bataya ke unke paas koi bhi car apni nahi thi — saari cars rent par thi aur ek car loan par thi. Yeh incident humein yeh sikhaata hai ki social media ki duniya aur real life mein bohot farq hota hai. Hum apni zindagi mein apni mehnat aur sachchai par dhyaan dena chahiye, na ki kisi aur ke fake lifestyle ko follow karna chahiye
Aajkal humare daily lifestyle mein bahut badlav aaye hain. Swiggy, Zomato, Uber, Blinkit jaise home delivery services ne hamare liye sab kuch ghar tak le aane ka kaam asaan bana diya hai. Hum pehle ghar ke ration ke liye market jaate the, lekin ab ek click se sab kuch ghar aa jata hai. Hum apne family ke sath baith kar doston se milte the, lekin ab hum sab kuch online karte hain. Isse humein mental aur physical health problems jaise anxiety aur depression face karni pad rahi hai.
Pehle, hum apne ghar ke aas paas ke logo se milte the, unse baatein karte the, par aaj kal hum sab ghar baith kar apni virtual duniya mein khoye rehte hain. Is isolation ke wajah se anxiety aur overthinking jaise mental health issues badh gaye hain. Humare purane time mein family aur doston ke saath real interactions hote the, jo humare mental health ko better banate the. Aajkal ke fast-paced lifestyle ne humein emotionally disconnected kar diya hai
Anxiety ek aisi condition hai, jisme humare mann mein darr aur chinta ka mahaul bana rehta hai. Yeh dheere dheere humare physical aur mental health ko affect karne lagta hai. Ek example ke taur pe, agar kisi ko heart attack ka darr ho, toh uski puri body mein tension aane lagti hai. Gym karte waqt, agar kisi ko yeh lagta hai ki usse heart attack aa sakta hai, toh uska heart rate tez ho jata hai aur uska mind panic mode mein chala jata hai.https://www.medicalnewstoday.com/articles/322510
Aise situation mein, banda gym karte hue bhi apne health ko lekar chinta karne lagta hai. Usse lagta hai ki shayad usse heart attack ho gaya hai. Yeh anxiety ka part hai, jisme hum apne body ke normal reactions ko abnormal samajhne lagte hain. Hum apne health ko lekar bahut zyada overthink karte hain, jisse panic attacks bhi ho sakte hain.
Jab tum doctor ke paas jaate ho aur sab tests normal aate hain, tab tumhe yeh samajh aata hai ki tum anxiety ka shikar ho. Tumhare organs bilkul theek hote hain, lekin tumhare dimaag mein jo darr hai, wo tumhe physically feel hota hai. Anxiety ka yeh bahut hi common symptom hai, jo har kisi ko kisi na kisi point par face karna padta hai.
Anxiety ke 11 Common Physical Symptomshttps://www.healthline.com/health/physical-symptoms-of-anxiety
- Rapid Heartbeat
Jab anxiety attack hota hai, tumhe aise cheezein samne aati hain jo tumhari anxiety ko trigger karti hain. Sabse pehle tumhe lagta hai ke tumhara heart rate bahut tez ho raha hai aur tumhe lagta hai ke tumhe heart attack aa raha hai. Tum apne parents ko bulake kehte ho ke mujhe heart attack aa raha hai, hospital le chalo. Tum sochne lagte ho ke tum mar jaoge. Yeh feeling sabse pehle anxiety attack ke waqt hoti hai, jab tumhe lagta hai ke heart attack aa raha hai. - Sweating
Jab anxiety attack hota hai, tumhe uncomfortable feel hota hai aur ghabrahat hone lagti hai. Tumhare mann mein yeh khayal aata hai ke “Kya ho raha hai, kya main mar jaunga?” Tumhe itna paseena aata hai, tumhe lagta hai ke heart attack ya brain hemorrhage ho sakta hai. Tumhara darr real lagta hai, aur tumhe lagta hai ke kuch bura hone wala hai. Yeh sweating anxiety ka common symptom hai. - Hands and Feet Shaking
Jab tum anxiety wali kisi situation mein hote ho, jaise koi interview ya kisi se milne jaana jisse tumhe darr lagta hai, tumhare haath-pair kaapne lagte hain. Tumhara heartbeat tez ho jata hai aur tum bas sochne lagte ho ke “Bas jaldi se nikal jaaon aur thoda rahat mile.” Tumhaare haath-pair thode samay ke baad normal ho jate hain, lekin anxiety ke time yeh kaafi common hota hai. - Overthinking
Anxiety ka shuruat overthinking se hota hai. Tum kisi cheez ke baare mein itna sochna shuru kar dete ho ke vo baat tumhare dimag mein baith jati hai aur tum usse darne lagte ho. Overthinking se anxiety ka roop bana jata hai, aur yeh health se related bhi ho sakta hai. Tumhe lagta hai ke sab tumhare baare mein baat kar rahe hain, ya tumhare upar comment kar rahe hain. Tumhe yeh sochne lagta hai ke tumhare saath sab kuch galat ho raha hai. Yeh bhi anxiety ke common symptoms mein aata hai.https://khuljamind.com/overthinking-se-anxiety-ka-kya-connection-hai/ - Akele Rehne Ki Aadat
Anxiety hone par insaan duniya se alag ho jata hai aur akele rehna shuru kar deta hai. Woh logon se baat karne mein apna mann nahi lagata. Har jagah se darr lagta hai aur negative sochne lagta hai. Yeh akele rehna bhi anxiety ka ek major symptom hai. - Pagal Hone Ka Darr
Jab tum overthinking karte ho, tumhe lagta hai ke tum pagal ho rahe ho. Tumhare dimag mein yeh dar rehta hai ke koi tumhe pagal samjhega. Tumhe lagta hai ke sab tumhara mazaak bana rahe hain. Yeh anxiety ke time par ek common feeling hai. - Pet Mein Problem
Anxiety ke time pet mein gas ban jaati hai, kabhi stomach pain hota hai, ya kabhi constipation ho jata hai. Tumhe lagta hai ke tumhe kuch khane par bhi dard ho raha hai, aur tumhe baar baar bathroom jaana padta hai. Yeh sab cheezein mental health se judi hoti hain, aur jab tak tum anxiety ko samajh nahi paate, tab tak pet ke problems bhi hote rahte hain. - Weight Loss or Weight Gain
Anxiety ke time pe kuch log itna negative sochne lagte hain ke unka appetite hil jaata hai. Agar unhe heart attack ka darr hota hai, toh unka dhyaan apne health par jata hai, aur khana nahi khate. Weight loss ho jata hai. Dusre log anxiety ke time pe weight gain kar lete hain, kyunki woh stress mein khana khate rehte hain. Anxiety ke chalte yeh weight loss ya gain hona common hai. - Muscle Pain
Anxiety ke time pe tumhare muscles me dard hone lagta hai. Tumhare shoulders, neck, ya wrist me pain feel hota hai. Tumhe lagta hai ke tumhare muscles ko kuch ho gaya hai. Yeh muscle pain bhi anxiety ka ek common symptom hai. - Raat Ko Neend Na Aana
Anxiety ke time pe raat ko neend nahi aati. Tumhare mann mein negative thoughts chal rahe hote hain, jaise heart attack ka darr ya brain hemorrhage ka. Tum raat bhar soch rahe hote ho ke agar tum mar gaye toh tumhare parivaar ka kya hoga. Tum yeh sab sochne lagte ho, jo tumhe raat bhar jagaye rakhta hai. - Lack of Confidence
Anxiety ke waqt self-doubt aur lack of confidence kaafi zyada hoti hai. Tum sochte ho ke log tumhe kaise judge karenge. Tum apni blogging website banana chahte the, lekin tumhe dar lagta tha ke log tumhare baare mein kya sochenge. Tumhare andar se yeh doubts nikalte hain, aur tum apne aap ko judge karte ho. Yeh lack of confidence bhi anxiety ka ek important symptom hai.
Aur Kya Karna Chahiye Agar Yeh Symptoms Daily Feel Ho Rahe Hain?
- Daily Morning Walk & Night Walk: Subah ki walk aur raat ko bhi halki walk lene se body aur mind dono relax hote hain. Yeh anxiety ko control karne mein madad karta hai.
- Physical Exercise (Gym ya Kisi Bhi Sport): Physical activity se body mein endorphins release hote hain, jo mood ko improve karte hain aur anxiety ko kam karte hain.
- CBT Form Daily Fill Karo & Raat Mein Soone Se Pehle Mind Dumping Jaroor Karo: Cognitive Behavioral Therapy (CBT) forms bharna aur mind dumping se apne dimaag se negative thoughts nikalte hain, jo anxiety ko control karne mein madadgar hote hain.
- Breathing Exercise & Meditation: Deep breathing aur meditation anxiety ko manage karne mein bahut effective hai. Yeh mind ko calm karne mein madad karta hai.
- Avoid Social Media & Screen Time Kam Karo: Social media aur excessive screen time se anxiety badh sakti hai. Isliye inhe limit karna zaroori hai.
- Motivational Songs and Videos Dekho: Positive aur motivational content dekhna apne mindset ko uplift karta hai. Yeh tumhe energy deta hai aur anxiety ko reduce karta hai.
- Morning Affirmation & Night Affirmation: Subah aur raat ko positive affirmations se apne dimaag ko set karna, anxiety ko control karne mein madadgar hota hai.
- 8 Ghante Ki Proper Neend Lo: Neend ki kami bhi anxiety ko badhane ka kaaran banti hai. Apne body ko proper rest dena zaroori hai.
- Avoid Negative People: Negative logon se door rehna tumhe apne emotional well-being ko protect karne mein madad karega.
- Specialist Ko Jaroor Check Karvao: Agar symptoms bahut severe hain, to ek mental health professional se consult karna zaroori hai. Yeh tumhe proper treatment aur guidance de sakte hain.
- Khuljamind Ke Blog Roz Padho: Hum apni real stories share karte hain jo tumhein help karengi. Anxiety aur mental health se related stories padhkar tumhe apne feelings ko samajhne aur manage karne mein madad milegi.
Conclusion:
Akhir mein, main yeh kehna chahta hoon ki tum akela nahi ho. Tumhare jaise bohot patients hain jo anxiety, depression, overthinking, aur phobias se lad rahe hain. Tumhe apne aapko akela mat samjho. Anxiety aajkal ek common cheez ho gayi hai, aur iska ilaj possible hai. Medications aur daily routine mein thoda change karke tum bilkul theek ho sakte ho. Yeh tumhare mind mein ek negative thought pattern ban gaya hai, jise tumne apne din-aur-raat ke soch se majboot banaya. Ab humein is pattern ko todna hai aur positive thought pattern mein convert karna hai. Tumhe thoda time lag sakta hai, lekin ek din zaroor tum bilkul theek ho jaoge.
Agar aapko yeh blog pasand aaya ho, toh please like, share, aur comment karo @Khuljamind.