Kisi bhi dushman se jeetne ke liye zaruri hota hai pehle uska raasta, wajah aur asal roop samajhna.
Anxiety bhi ek aisi hi cheez hai — jo bina samjhe kabhi theek nahi hoti.
Usse samajhne ke do tareeke hain:
- YouTube videos, articles, ya kisi therapist se consult karna
- Ya phir aisi books padhna, jo kisi aise insaan ne likhi ho jo khud anxiety se guzra ho
Kyun?
Kyuki jo banda khud is raaste se guzra hai — uska experience ek mirror ki tarah hota hai.
Usmein humein apna aap dikhta hai. Humein lagta hai “Main akela nahi hoon.”
Aur kabhi-kabhi bas yeh realise karna hi aadha ilaaj ban jaata hai.
Books Kyun Zaroori Hai?
Books sirf knowledge nahi, willpower aur courage bhi deti hain.
Jab kisi aur ke jeetne ki kahani padhte hain — andar se ek awaaz uthti hai:
“Jab yeh kar sakta hai, toh main kyun nahi?”
“Mere andar bhi taqat hai.”
“Main bhi nikal sakta hoon is hell se.”
Anxiety sirf ek emotion nahi, ek mental trap hai —
Jo dil, dimaag aur sharir — teeno ko control kar leti hai.
Wo har waqt ke darr ka naam hai:
- “Log kya sochenge?”
- “Kahin heart attack na aa jaye…”
- “Ya cancer toh nahi?”
- “Acidity ya chest pain matlab liver fail ho raha?”
Even test reports normal aane ke baad bhi dimaag mana nahi karta.
Mera Pehla Anxiety Attack – Ek Bardaasht Se Bahar Experience
Main roz gym jaata tha. Healthy body, strong lifestyle.
Lekin dimaag mein har waqt ek voice:
“Treadmill pe log gir ke mar jaate hain…”
“Steroids marwa dete hain…”
“Duplicate protein se heart attack…”
Ek din gym mein Single-arm rowing kar raha tha. Thoda heavy dumbbell tha.
Bas exercise khatam hui — aur achanak se saans phulne lagi. Heart beat tez, paseena nikalne laga.
“Bas, ho gaya. Heart attack aa gaya…”https://www.healthline.com/health/anxiety-vs-heart-attack
Basement gym se seedha bhaaga.
Dosto se bola: “Yaar hospital chalo, mujhe kuch ho raha hai…”
Car mein baitha, piche dost tha — usse bas ye bolta raha:
“Bhai please bacha le… meri mummy ka kya hoga…”
“Mujhe lagta hai main nahi bachunga bhai…”
Woh 10 minute ka raasta meri zindagi ke sabse bade darr jaise laga.
Hospital Scene
Hospital pahunche. BP normal. ECG hua.
Lekin report pe likha tha — “abnormal waves”
Doctor ne kaha: “Bade hospital jao…”
Yeh sunte hi dimaag phat gaya. Ro padha.
Laga, “Ab bas. Khatam.”
Lekin jab bade hospital pahuncha — unhone pehli report dekhi aur bola:
“Yeh bilkul normal hai. Pehle doctor ne galti se likh diya.”
“Sir, ek baar dubara ECG karwa lijiye — chain aayega.”
Dobara karwaaya — fir se normal.
Turning Point
Us din samajh aaya — Anxiety ek illusion hai.
Jo cheez hum baar-baar sochte hain, dimaag use sach bana deta hai.
Lekin ek positive assurance us illusion ko tod sakta hai.
Anxiety ka Asli Ilaaj:
- Samajhna yeh hoti kyun hai
- Break karna negative thought loops
- Seekhna un logo se jo khud is andhere se nikal ke aaye
- Padhna unki likhi hui kitaabein
Anxiety ke Physical & Emotional Symptoms – Mera Real Experience
Kabhi-kabhi lagta hai jaise apna hi dimaag apne khilaaf ho gaya ho.
Main sirf anxiety feel nahi karta — main use jeeta hoon. Roz.
Aur aaj main tujhse woh sab share karne ja raha hoon, jo Google nahi batata.
Physical Symptomshttps://www.nhs.uk/mental-health/conditions/anxiety-symptoms-causes-treatment/
1. Heart Beat Itni Fast… Ki Lagta Hai Ab Kuch Ho Jaayega
Jab koi bura news sunta hoon — jaise kisi ke sudden death ki, ya heart attack/paralysis wali — toh meri heart beat ekdum rocket ban jaati hai.
Itni tez dhadkan hoti hai ki lagta hai body fail ho jaayegi.
Dimaag me turant ek thought ghoomta hai:
“Kahi mujhe bhi heart attack toh nahi aa raha?”
2. Chest Pain Ya Haath Me Sujan
Kayi baar left hand me jalan hoti hai, ya chest tight lagti hai.
Aur dimaag turant kehne lagta hai:
“Left side pain = heart attack. Bas ab toh gaya.”
Par baar baar check karne ke baad bhi sab normal hota hai.
Fir samajh aata hai — ye anxiety ka symptom hai, heart attack nahi.
3. Saans Rukna Ya Tightness Feel Hona
Kabhi lagta hai saans andar hi nahi jaa rahi.
Tu jitna deep breath lene ki koshish karta hai, utna lagta hai saans atak rahi hai.
Ek baar gym me tha, chest tight hui — workout chhoda, ghar gaya, hospital gaya.
Sab normal nikla.
Doctor bola:
“Ye anxiety attack tha, koi medical issue nahi.”
4. Pet Tight Hone, Ulti Jaisa Lagna
Pet bar-bar tight feel hota hai. Kuch bhi khaane ka mann nahi karta.
Lagta hai digestion slow ho gaya hai. Aur fir aata hai darr:
“Kahi kuch badi problem toh nahi?”
5. Ghabrahat Itni… Ki Lagta Hai Sab Khatam
Ek feeling hoti hai jise describe karna mushkil hai — bas lagta hai sab kuch khatam ho gaya hai.
Dimag ke thoughts kuch aise hote hain:
- “Mujhe kuch ho gaya toh?”
- “Main fir kabhi normal feel kar paunga kya?”
- “Kya mera brain ab theek se kaam karega bhi?”
Ye cycle chalu hi rehti hai — fear → pain → overthinking → ghabrahat.https://khuljamind.com/anxiety-4/
Emotional Symptoms –https://khuljamind.com/anxiety-3/
1. Overthinking – Ek Thought Ka Loop
Main trip pe gaya, but dimag poora time sochta raha:
- “Ghar safe hai?”
- “Wapas theek se laut paunga?”
Log enjoy kar rahe the, main apni anxiety se lad raha tha.
Overthinking tujhe present moment se chura leta hai.
2. Fear of Death – Har Trip Pe Darr Lagta Hai
Highway pe chadha, toh socha:
“Kahi accident na ho jaaye…”
Fir har truck, har turn pe darr badhta gaya.
Haath pasine se bheeg gaye.
Aur dimaag fir ek hi direction me chala gaya:
“Main mar gaya toh mummy-papa ka kya?”
3. Health Anxiety – Har Dard = Heart Attack?
Gym me ya stress ke time chest me pain hua — dimaag ne bola:
“Ye toh heart attack hai.”
Google kiya: “Left chest pain = heart attack”
Fir sab kuch aur bhi real lagne laga.
• Dhadkan aur tez
• Saans chadhti
• Aur lagta… bas time aa gaya
Doctor ne bola:
“Sirf anxiety hai.”
Par uss waqt ka darr… tu samjha nahi sakta.
4. Negative Visualization – Har Cheez Ka Worst-Case
Har cheez se pehle negative scene banne lagta hai:
- Train pakdi = “Accident na ho”
- Gym = “Gir na jaun”
- Khushi = “Iske baad kuch bura na ho jaaye”
Anxiety tujhe kabhi khushi enjoy nahi karne deti.
5. Guilt & Regret – “Galti Toh Meri Hi Thi…”
Overthinking ke baad guilt aata hai.
Har choti baat ko leke:
- “Maine usse aise kyu bola?”
- “Kaash tab react kiya hota…”
Anxiety tujhe khud ke khilaaf kar deti hai.
Aur tu apne hi guilt me uljha rehta hai. - “Kabhi-Kabhi Lagta Hai Dimaag Fatne Wala Hai…”
- Kabhi-kabhi lagta hai dimaag literally fat jaayega.
- Na neend aati hai, na dil shaant hota hai. Har cheez ya toh over ho jaati hai ya bilkul bekaar lagti hai.
- Agar tu bhi is phase se guzar raha hai, toh ek baat sun:
- Main tujhe koi “positive soch” ya “deep breathing” wali gyaan ki baat nahi dunga.
- Main tujhe bas wo 5 kitaabein dikhana chahta hoon jo mere liye therapy se kam nahi thi.
- Jo tune padh li, toh shayad tu bhi uss andheron se nikal paaye — jahan se main kabhi guzar chuka hoon…
·
- 📘 1. Untold Story of an Anxiety – by Karan Khatri
- Available on Play Store
- “Yeh sirf book nahi hai — ek confession hai. Dil ki baat, bina filter ke.”
- Yeh meri apni kahaani hai.
- Panic attacks, intrusive thoughts, emotional numbness, overthinking…
Maine jo bhi jhela, jaisa jhela — sab likha hai, raw aur kacche words mein. - Har page ek personal diary ka tukda hai
Har chapter kisi emotional wound ka ilaaj - Khuljamind Thought:
Agar tu chahta hai koi tujhe bina judge kiye samjhe,
toh yeh book uss dost jaisi hai — jo sirf sunta nahi, feel karta hai. - 🔗 [Read on Play Store link – https://play.google.com/store/books/details/Karan_Khatri_THE_UNTOLD_STORY_OF_AN_ANXIETY_SURVIV?id=DU1pEQAAQBAJ&hl=en_IN
·
- 📗 2. The Anxiety Toolkit – Dr. Alice Boyes
- “Dimaag mein thousand tabs open ho?
Yeh book sikhati hai — kaise close karein.” - Yeh ek practical manual hai — real-life anxiety hacks ke saath.
- Step-by-step coping tools
Emotional clarity & calm
Simple language specially for overthinkers - Best For: Jo har cheez pe over-analyze karte hain aur “dimag band” nahi hota.
- 🔗 [Buy on Amazon – Affiliate Linkhttps://amzn.to/456qEOt]
📕 3 📘 It’s OK That You’re Not OK – Megan Devine
“Log kehte hain ‘move on’ — par jab dard itna gehra ho, toh kaise?”
Yeh book un logon ke liye hai jo grief, loss ya emotional pain se guzarte hain.
Megan Devine khud ek personal tragedy se guzar chuki hain — isliye har word me asli feelings hai.
No fake positivity
No motivational lecture
Bas sach — jaise tum mehsoos karte ho
Best For: Jab tumhe lagta hai koi tumhari feelings samajh nahi raha.
🔗 [Buy on Amazon – Affiliate Linkhttps://amzn.to/3TVU5gT]
- 📕 4. The Untethered Soul – Michael A. Singer
- “Kaise mind ke constant bakbak se nikalke
andar ki shaanti tak pahucha jaye…” - Yeh koi typical self-help nahi — ek spiritual guide hai.
- Awareness + Inner Peace
React karne ke bajaye observe karna
Deep shift in mindset - Best For: Jo overthinking se thak chuke hain aur inner silence chahte hain.
- 🔗 [Buy on Amazon – Affiliate Linkhttps://amzn.to/412Yfav]
·
- 📒 5. Atomic Habits – James Clear
- “Anxiety sirf sochne se nahi,
daily habits se bhi theek hoti hai.” - Yeh book habit ke zariye anxiety ko indirectly thik karne mein help karti hai.
- Small habits → Big mental shift
Long-term clarity & control
Behaviour rewiring - Best For: Jo routines start karte hain par continue nahi kar paate.
- 🔗 [Buy on Amazon – Affiliate Linkhttps://amzn.to/4m741jz]
- Agar anxiety ne tujhe tod diya hai,
toh yeh kitaabein tujhe dhire-dhire jod bhi sakti hain. - Ho sakta hai tu abhi andhere me ho —
par har andhera kisi na kisi roshni ki taraf le jaata hai. - Start with just one book.
Shayad wahi pehla step ho healing ki taraf.
Conclusion
Agar tu hamesha yeh sochta rahega:
“Main overthink karta hoon… mujhe bas sochna band karna chahiye… tabhi main theek ho paunga” —
Toh sun, yehi soch anxiety ki shuruaat hoti hai.
Anxiety ko samajhna padta hai — ignore karne se nahi, action lene se relief milta hai.
Kya kar sakta hai tu?
- Ek ache doctor se consult kar.
- Yoga kar, especially meditation aur breathing exercises.
- Har din 45 mins walk ya koi bhi sport jaise badminton khel.
Isse na sirf anxiety kam hoti hai, balki confidence bhi aata hai.
- Physical exercise (gym/jogging) se teri body serotonin release karegi — jo “happy hormones” hote hain.
Ye automatically teri overthinking aur negative thoughts ko kam karte hain.
Aur jo 5 kitaabein maine upar recommend ki —
Wo tujhe yeh bhi samjhaengi:
Anxiety hoti kyun hai, kaise banti hai, aur uss andhere se kaise nikla jaye.
Aur agar tu aur padhna chahta hai — bina filter ke, real-life anxiety ke experience ke baare mein,
Toh check kar Khuljamind —
jahaan har blog ek dard se nikla sach hai.
Call To Action
Agar tu is blog se relate kar paya — toh bas ek kaam kar:
Like, Comment, aur Share zaroor karna.
Instagram par bhi judh ja — @khuljamind
Wahan aur bhi relatable posts aur anxiety hacks milenge.
Aur yaad rakh —
Tere jaisa koi aur bhi yeh blog padhke theek ho sakta hai. Bas tu share kar.