Anxiety book? Kya woh sach mein anxiety thik kar sakti hai? Main toh hamesha sunta aaya hoon ke anxiety ek mental health issue hai — jise medicines, yoga, physical activity, aur daily life changes se control kiya ja sakta hai. But book? Yeh mere liye naya tha.
Lekin jaise jaise maine in books ko padha, mujhe realize hua ke yeh sirf pages nahi hain — yeh therapy hain, healing ka source hain, aur most importantly, yeh samajh hain. Par isse pehle ki main un books ke baare mein bataun, chalo samajhte hain ke anxiety hoti kya hai.
Anxiety Ki Shuruaat: Childhood Conditioning
Anxiety shuru hoti hai bachpan se — jab parents chhoti chhoti baaton par dar paida karte hain. Jaise, “guest aa rahe hain, unke pair chhoona, badtameezi mat karna.” Unka maksad hota hai tameez sikhaana, lekin hamare andar ek permanent fear ban jata hai logon ka. Uske baad life bhar logon se bachne ki aadat pad jaati hai.
Bachpan mein hamesha bola jaata tha: “yeh ameer hai, iske izzat karo,” “yeh doctor hai, yeh banoge toh kuch banoge.” Respect ki jagah fear develop ho jaata hai — aur confidence low hone lagta hai. Kisi se baat karna bhi mushkil lagta hai.
Family Dynamics Aur Guilt Ka Load
Jab hum family ke saath kahin ghoomne jaate hain aur humein bola jaata hai: “tumhare mama ne paise diye hain, kuch maangna mat.” Hum chhote hote hain, but guilt badi hoti hai. Bhookh lagti hai, lekin kuch maangte nahi — sirf isliye ke hum “free mein ja rahe hain.” Yeh guilt humare confidence ko chhoti age se hi kha jaata hai.
5 din ka trip torture ban jaata hai, sirf isliye kyunki tum paise ke mamle mein kamzor mehsoos karte ho. Tumhare saamne jo paise lagata hai, sab uski sunte hain — tum invisible mehsoos karte ho.
Log Kya Kahenge Syndrome: Confidence Ka Dushman
Tumhare relatives, unke bachche — jab tum kuch kha rahe ho aur koi bol deta hai: “arre yeh toh brand ka hai, yeh tumne kab khaya?” Toh woh ek line tumhare andar guilt, shame aur anxiety paida kar deti hai. Jab yeh baar baar hota hai, toh tum har nayi situation se bachne lagte ho. Tumhara dil karta hai chhup jaane ka.
Social anxiety develop hoti hai. Tum apne doston ke beech theek feel karte ho, but jaise hi koi unknown person group mein aata hai — tum blank ho jaate ho. Tum sabse last jaana pasand karte ho, sabse kam bolte ho. Aur jab log haste hain, tum sochte ho tumhari hi baat pe hass rahe honge. Overthinking ka silsila shuru ho jaata hai.
Anxiety Se Physical Symptoms Tak
Overthinking se physical anxiety develop hoti hai — jaise heart beat fast hona, saans ka tez chalna, sweating, neend ka disturb hona. Tum mentally hi nahi, physically bhi disturb hone lagte ho.
Example: Maan lo tum gym jaate ho, health conscious ho, but kisi bodybuilder ki death ki news tumhari anxiety trigger kar deti hai. Tum fit ho, diet follow karte ho, lekin phir bhi lagta hai “yaar mere saath bhi ho sakta hai.” Yeh irrational fear anxiety ka asli chehra hai.
Personal Experience: Jab Mujhe Pehla Anxiety Attack Aaya
Jab mujhe pehla anxiety attack aaya — toh main confused tha. Bodybuilder Satnam Khattra ki death hui thi. Uski death ne mujhe mentally jhatka diya. Mujhe thoda fever tha, workout miss ho raha tha, doston ke kehne par pre-workout le liya. Ghar aaya, poori raat neend nahi aayi. Saans rukne jaisi feeling aayi.
Chhat par gaya walk karne — kuch der sab theek tha. Phir aankhon ke saamne sab black ho gaya. Tez bhagta hua 3 floor se ground floor aa gaya. Mummy se kaha, “hospital le chalo.” Hospital mein BP, ECG normal nikla. Doctor bola, “anxiety attack tha.”
Wahi se journey shuru hui. Maine anxiety ko samjha, therapy li, negative thought patterns ko todna seekha — aur aaj main anxiety ke upar jeet paaya hoon.
Mentally aur Physically – Dono tarah se anxiety ka asar kaisa hota hai?https://khuljamind.com/anxiety-6/
1. Mentally
Raat ko neend nahi aati. Bas yehi darr bana rehta hai ke “yaar kuch ho na jaye…”
Mann lo tumhe cancer ka darr lagta hai, toh bas wahi sochne lagte ho:
“Yaar mere muh mein chhalla ho gaya hai, ye toh cancer ke symptoms hote hain. Yaar 1 week ho gaya, abhi tak thik nahi hua… lagta hai mujhe cancer ho gaya…”
Fir ussi ke baare mein padhna, YouTube pe dekhna, Google pe search karna. Fir anxiety itni badhti hai ke neend udd jaati hai. Kabhi kabhi bina wajah rona aata hai. Panic hone lagta hai.
“Kahi main marr na jaaun? Agar main mar gaya toh kaun aayega mujhe jalane? Koi aayega bhi ya nahi? Meri girlfriend ko pata chalega ke main mar gaya?”
Yeh sab soch soch ke insaan mentally toot jaata hai.
Fir baat bhi nahi karna chahta kisi se. Bas dil karta hai ke kisi se milu hi na, koi mujhe bhool jaaye… Main bhi sabko bhool jaaun.
Yeh akelapan hi sabse zyada todta hai andar se — aur yehi anxiety ki wajah ban jaati hai, jo tumhe mentally harass karne lagti hai.
2. Physically
Ab maan lo kisi ko heart attack ka anxiety hai.
Wo banda pehle se darr ke saath jee raha hota hai:
“Kahi mujhe heart attack na aa jaye… Kahi meri maut na ho jaye…”
Social media, news sab jagah heart attack ki hi baatein — 9 saal ke bachche se leke 90 saal ke bude tak.
Kisi ko bhi kabhi bhi ho raha hai — gareeb ho ya celebrity.
Aur jiska darr already mann mein ho, uske liye ye sab dekhna aur sunna ek phobia ban jaata hai.
Fir jab usse gym jate hue ya workout karte hue thoda sa heart beat tez hoti hai ya pasina aata hai, toh turant darr jaata hai:
“Meri heart beat badh gayi… Pasina aa raha hai… Yeh toh heart attack ke symptoms hote hain…”
Phir panic hone lagta hai:
“Left hand mein pain ho raha hai… Saans lene mein dikkat ho rahi hai… Mera chest tight ho raha hai…”
Aur jab yeh symptoms real feel hote hain, toh banda sochta hai:
“Bas yaar, aaj toh sach mein heart attack aa gaya… Shayad aaj mera akhri din hai…”
Lekin jab hospital jata hai, saare tests normal nikalte hain.
Kabhi BP badh jata hai — lekin wo temporary hota hai, usse artificial BP bolte hain.
ECG bhi thoda fluctuate kar sakta hai, lekin wo sirf anxiety ke time tak. Jab anxiety chali jaati hai, toh sab wapas normal ho jaata hai.
Yehi hoti hai panic attack ki reality — jo mentally aur physically tod ke rakh deti hai.
Anxiety ke 2 bade reason kya hote hain?
1. Negative Thought Pattern ka strong honahttps://www.ruizpsychologicalservices.com/blog/how-to-stop-negative-thoughts-to-manage-anxiety
Hamare brain mein negative thought itne deep rooted ho jaate hain ke chhoti chhoti cheezon se darr lagne lagta hai.
Jab heart beat fast ho rahi ho, ya left hand mein thoda pain ho — toh wo negative thought activate ho jaata hai:
“Shayad heart attack aa raha hai…”
Aur panic feel hone lagta hai. Jab tak yeh negative loop break nahi hota, anxiety har waqt satati rehti hai.
Break kaise karein?
Apne mind ko baar baar positive thoughts do:
- “Maine apni ECG karwa rakhi hai, sab normal hai.”
- “Mera BP aur ECHO sab normal hai.”
- “Mera heart perfectly fine hai.”
Jitna jyada tum positive sochoge, utna tumhara brain positive pattern seekhega — jisse overthinking kam hogi, aur anxiety pe control aayega.
2. Childhood Trauma ya Past Bad Experiences
Kabhi kisi close ko heart attack aaya ho, ya koi aisi death news mili ho — toh wo ek life-long trauma ban jaata hai.
Jaise mere papa ko heart attack aaya tha.
Subah tak sab thik tha. Main college gaya, doston ke saath ghoomna chala gaya. Sham ko aaya toh pados wale uncle ne bola:
“Tere papa ko hospital le jaaya gaya hai.”
Mujhe laga bas tabiyat kharab hogi.
But jab hospital gaya, toh pata chala:
“Papa ko heart attack aaya hai…”
Ek jhatka laga. Unka operation hua, vo theek ho gaye — lekin wo baat mere dimaag mein bas gayi.
Us din se main andar se tootta gaya. Wo ek experience ban gaya anxiety ka reason.
Fir har baar koi heart attack ki baat sunta, ya khud ko pain feel hota — wo same darr wapas aa jaata.
6 Life-Changing Books for Anxiety & Healinghttps://khuljamind.com/anxiety-25/
Table of Contents
- Intro: Anxiety aur Confusion
- 1. It’s OK That You’re Not OK – Megan Devine
- 2. The Mountain Is You – Brianna Wiest
- 3. You Can Heal Your Life – Louise Hay
- 4. The Power of Now – Eckhart Tolle
- 5. Healing Is the New High – Vex King
- 6. The Untold Story of an Anxiety Survivor – Karan Khatri
- Conclusion
Jab Anxiety Hoti Hai, Toh Kya Karna Chahiye?
Ab mai batata hu ke anxiety mein books kaise help karti hai.
Jab hum anxiety se guzarte hain, toh samajh hi nahi aata ke kya ho raha hai. Aisa lagta hai:
“Yaar, mai hi akela hu jisko yeh sab ho raha hai… kya mai pagal ho gaya hu?”
Kabhi suna hai kisi ko ghabrahat hui ho aur vo hospital gaya ho? Hum sochte hain:
“Unko toh thik ho gaya… lekin mere sath kyun ho raha hai? Shayad mai hi weak hu…”
Aur yahin pe help karti hai books.
Books humare mind ko change karne, anxiety ko samajhne, aur usse ladne mein madad karti hain.
Kai log — jaise authors ya psychiatrists — apna real-life experience share karte hain:
- Kaise unhone anxiety aur panic attack ko handle kiya
- Kya pattern break kiya
- Kya healing process tha
Jaise Karan Khatri ki The Untold Story of an Anxiety Survivor.
Usi tarah aur bhi bhot books hain jinse samajh aata hai:
“Anxiety illusion hai. Mindset ka game hai. Aur mai akela nahi hu.”
Aise hi books se mujhe bhi bahut relief mila. Ab wohi 6 best books tumhare saath share kar raha hu — jo maine personally padhi hain.https://www.healthline.com/health/mental-health/how-to-cope-with-anxiety?utm_source=chatgpt.com
1. It’s OK That You’re Not OK – Megan Devine
“Tu khush kyun nahi hai?” — log yeh sawal puchte hain bina samjhe ki dard kya hota hai.
Yeh book mujhe feel karwati hai ki:
- Grief, pain aur loss ko chhupana zaroori nahi hai.
- Jo tu mehsoos kar raha hai, wo valid hai.
Mujhe laga jaise kisi ne mere andar ghus ke likha hai — bina toxic positivity ke, bina judgment ke.
Jab tu kisi ko kho deta hai, ya khud mein kho jaata hai, tab yeh book tera voice ban jaati hai.
🔗 👉 Buy on Amazon https://amzn.to/41f6ErB
(Affiliate link – I may earn a small commission at no extra cost to you)
2. The Mountain Is You – Brianna Wiest
Apne aap ka sabse bada dushman kabhi-kabhi hum khud hote hain.
Is book ne mujhe bataya:
- Hum baar-baar same pattern repeat karte hain
- Khud ko hurt karte hain
- Aur blame karte hain dusron ko
Isne samjhaya ki emotional trauma sirf memory nahi hoti — wo decisions, relationships, aur growth sab pe asar daalta hai.
Yeh kitab ek mirror jaisi hai — tumhare excuses, fear aur guilt ke peeche chhupa truth dikhati hai.
🔗 👉 Buy on Amazon https://amzn.to/44TfZI1
(Affiliate link – I may earn a small commission at no extra cost to you)
3. You Can Heal Your Life – Louise Hay
Main khud se nafrat karta tha. Hamesha lagta tha: “Main hi galat hoon.”
Yeh kitab ne mujhe bataya:
- Hum jo sochte hain, woh humari body aur zindagi par asar daalta hai
- Jab tu khud se nafrat karta hai, tera body bhi react karta hai — anxiety, health issues, aur pain
Is book ne mujhe affirmations ka power dikhaya.
Self-love na cheesy hai, na fake — wo zaroori hota hai.
🔗 👉 Buy on Amazon http://you can heal your life louise hay
(Affiliate link – I may earn a small commission at no extra cost to you)
4 Practicing Mindfulness: 75 Essential Meditations to Reduce Stress, Improve Mental Health, and Find Peace in the Everyday – by Matthew Sockolov
“Yeh book meditation aur mindfulness ko simple aur real-life situations ke through samjhati hai. Agar tu present moment mein jeena seekhna chahta hai bina overly spiritual ya complex language ke — yeh best hai.”
Main pehle ya toh past ke guilt mein rehta tha, ya future ke darr mein. Present mein rehna bhool gaya tha.
Yeh book ne simple meditation exercises aur grounded techniques ke through mujhe sikhaya ki kaise “abhi” mein jeeye bina overthinking ke.
🔗 👉 Buy on Amazon – Practicing Mindfulness https://amzn.to/3U0Lvxm
(Affiliate link – I may earn a small commission at no extra cost to you)
5. Healing Is the New High – Vex King
Positivity ka matlab yeh nahi ke dard ignore kar lein.
Positivity ka matlab hai — dard ko samajhna aur phir usse upar uthna.
Vex King ek dost jaisa lagta hai — jo samjhata bhi hai aur uthata bhi hai.
Book mein simple tools hai:
- Self-worth kaise build karein
- Toxic logon ko kaise pehchaanein
- Aur khud se kaise pyar karein
“Tum theek ho, par aur better ban sakte ho.”
Yeh message mujhe is book se mila.
🔗 👉 Buy on Amazon https://amzn.to/3J82HyA
(Affiliate link – I may earn a small commission at no extra cost to you)
6. The Untold Story of an Anxiety Survivor – Karan Khatri
“Yeh kitab meri zubaani meri struggle ki hai. Pehli baar book format mein likhi gayi hai — woh anxiety, panic attacks aur emotional pain jo maine feel kiya… sab raw form mein.”
Ismein na koi filter hai, na polish.
Yeh story hai us ladke ki:
- Jo almost emotional crash ho gaya tha
- Par khud ko kho kar bhi khud ko wapas paaya
Medication, therapy, journaling — har ek layer pe jo battle maine kiya, vo likha gaya hai.
Isse padh ke tu apna reflection dekh paayega.
Aur agar tu feel kar raha hai ki “main hi akela hu” — toh jara ruk… aur yeh journey padh.
📱 Download from Play Store
👉 [Click Here (https://play.google.com/store/books/details/Karan_Khatri_THE_UNTOLD_STORY_OF_AN_ANXIETY_SURVIV?id=DU1pEQAAQBAJ)]
Conclusion: Sirf Dawaai Se Nahi, Samajh Se Bhi Healing Hoti Hai
Kisi bhi bimaari se ladne se pehle usse samajhna zaroori hota hai.
Log kya karte hain?
- Sirf doctor ke paas jaate hain
- Medicine lete hain
- Aur sochte hain sab thik ho jayega
Lekin yeh galat hai.
Soch — koi drink karta hai, uska liver kharab ho gaya.
Doctor ne treat toh kar diya… lekin agar vo fir se darru pee raha hai — toh liver phir fail hoga.
Wahi anxiety ke saath hota hai.
Medicine sirf temporary relief deti hai. Jab tak tu anxiety ko samjhega nahi aur us par kaam nahi karega, permanent solution nahi milega.
Toh kya karna chahiye?
- Positive logo ke sath raho
- Meditation karo
- Breathing exercises karo
- Physical movement
- Proper sleep
- Achhi cheezein padho — jisse mind strong bane
Main jo 6 books share ki hain — maaine personally padhi hain.
Mujhe inse help mili — isliye main har anxiety patient ko recommend karta hu ki yeh zarur padho.
Jaisi kitaabein padoge — vaisa mindset banega.
CTA (Call To Action)
Agar tumhe yeh blog helpful laga, toh:
👉 Please like, comment aur share karo
👉 Instagram pe follow karo @khuljamind
Apna khayal rakho. Tum akele nahi ho.
Healing is possible. Bas pehla step lena hai.