Healing Kabhi Linear Nahi Hoti
Har din healing ek jaise nahi hoti. Kabhi lagta sab theek ho gaya, toh kabhi lagta main wapas wahin pahunch gaya hoon — usi andhere mein.
Anxiety se ladte-ladte thak gaya tha. Sochta tha:
“Yaar bas, bahut ho gaya. Medicines, exercise… kya yeh anxiety mujhe hara sakti hai? Kya ho gaya toh? Jyada se jyada mar hi jaunga… duniya marti hai, main bhi mar jaunga.”
Phir kabhi kehta:
“Bas yaar, darr-darr ke jeena bandh. Ab nahi darna. Jo hoga, dekha jayega.”
Kuch waqt ke liye full confidence mein rehne lagta tha. Sab kuch normal lagta. Par fir achanak wahi darr wapas aa jaata.
Fir lagta:
“Mujhe heart attack aa gaya hai.”
“Mujhe brain hemorrhage ho raha hai.”
Jis cheez se anxiety hoti thi, wahi cheez fir se trigger ban jaati thi.
Tum apne aap ko samjha bhi lete ho:
“Nahi yaar, anxiety kya hai? Jab meri life mein itni badi-badi cheezein aayi aur main jeet gaya, toh yeh kya hai?”
Par jab tak tum apne mind ke negative thought patterns ko change nahi karte, tab tak kuch nahi badalta.
Tum khud ko kuch ghante, kuch din, kuch hafton tak samjha sakte ho,
lekin dimaag wahi karega jo usey bachpan se sikhaya gaya hai.https://khuljamind.com/anxiety-13/
CBT Ne Kaise Badla Mera Dimaag
Isliye sabse pehla kadam hai — apne negative thoughts ko CBT (Cognitive Behavioral Therapy) ke through challenge karna.
CBT mein hum negative thoughts ko likhte hain, unhe positive soch se challenge karte hain — jisse dimaag naye patterns banana shuru karta hai.
Yeh sirf likhne ka process nahi hai.
Jitni baar tumne dimaag ko negative signals diye hain, utni baar usse positive signals dene padenge.
Tum soch sakte ho:
“Main toh bachpan se overthink kar raha hoon.”
Toh haan — time lagega.
Par dheere-dheere CBT ki aadat pad jaati hai.
Jaise hi negative thought aata hai, tum usse challenge karne lagte ho.
Jitni zyada baar tumhara dimaag positive pattern receive karta hai,
utni tezi se wo rewire hota hai.
Akhir mein likhne ki zarurat bhi kam ho jaati hai.
Jab pattern strong ho jaata hai, dimaag khud hi response dene lagta hai.
🔬 Research kehti hai:
CBT ka impact medicines ke barabar hota hai.
Meri healing journey mein CBT ne game changer ka kaam kiya.
Medicines Ki Thakan Aur Frustration
Jab main medicines le raha tha, toh lagta tha:
“Mujhe zindagi bhar yeh medicines leni padengi, jaise BP ya diabetes ke patients lete hain.”
Jo log anxiety ki medicines lete hain, unhe pata hai:
- Din bhar neend aati hai
- Alas hota hai
- Mind slow ho jaata hai
Kabhi-kabhi lagta tha:
“Main pagal ho jaunga.”
“Yeh medicines bhi kaam nahi kar rahi.”
Doctor se kehne mein bhi dar lagta:
“Agar doctor ne dose badha di toh?”
Phir lagta — ya toh chhod doon, ya zindagi waise hi chalne doon.
Frustration itna badh gaya tha ki:
- Gym jaane se darr lagta
- Public places mein uneasy feel hota
- Ghar se bahar nikalna mushkil ho jaatahttps://khuljamind.com/anxiety-9/
Relapse Ki Kahani: Office, Guilt Aur Gussa
Job pe gaya. Ek din kisi bande ne dekhkar thoda hasa.
Mujhe laga — mera mazak uda rahe hain.
Main kaam ke bahane uske paas 2–4 minute gaya,
phir uske aas paas 1–2 ghante ghoomta raha, sochta raha:
“Isne kya bola mere baare mein?”
Khud lag raha tha — main pagal jaise behave kar raha hoon, par jaan-na chahta tha, “kya baat hui?”
Phir casually bola:
“Tere cholesterol badhe hue the, ab theek hai?”
Usne kaha:
“PGI se medicine li thi, ab theek ho gaya.”
Maine socha — aur baat karun.
Phir keh diya:
“Yaar mere baare mein koi kuch bolta hai na, mujhe dil pe lagta hai. Gussa bahut aata hai.”
Dil karta kisi ko maar doon, par keh nahi sakta tha ki mujhe anxiety hai.
Dar lagta tha — log kya sochenge?
“Pagal hai,” “psychiatrist ke paas ja raha hai.”https://www.verywellmind.com/how-to-handle-an-anxiety-relapse-at-work-5188992
Cousin Ka Call Aur Gym Ki Therapy
Us din maine apne cousin ko call kiya — use bhi anxiety thi.
Ham dono samajh jaate the jab ek ko takleef hoti thi.
Maine kaha:
“Yaar mood bahut kharab hai. Gussa aa raha hai. Lag raha hai kisi ko maar doon ya khud mar jaaun.”
Wo bola:
“Chal milte hain.”
Ghar jaate jaate bhi dimaag mein wahi sawal:
“Yeh log mujhe dekh kar kyun hass rahe the?”
Socha:
“Chalo gym chalte hain.”
Jab bhi stress ya gussa aata — gym hi meri therapy hoti thi.
Us din gym mein gaya full akkad ke saath.
Socha:
“Aaj koi overthinking nahi. Jo hoga dekha jayega.”
Workout pura kiya.
Phir cousin ko call kiya — lekin wo bhaana banane laga.
Laga:
“Yeh kyun bakwas sunu iski?”
Samjha:
“Takleef mujhe hai, ladna bhi mujhe hi padega.”
Agla din kisi se baat nahi ki. Full attitude mein:
“Is duniya mein kisi se darr nahi. Mere andar confidence hai.”
False Confidence Aur Wapas Relapse
Us waqt lag raha tha:
“Ab sab thik hai. Na therapy chahiye, na medicine. Main strong ho gaya hoon.”
Par yeh sirf temporary willpower thi.
Tumhara dimaag fir wahi patterns dhoondta hai jo usne saalon se seekhe hain.
Willpower kuch waqt ke liye kaam karta hai,
lekin agar tumhare positive thought patterns strong nahi hue,
toh relapse pakka hota hai.
Maine socha:
“Bas, ab kisi ki madad nahi lunga. Akeli zindagi, akkad mein jeeunga.”
Par agle hi din:
Anxiety wapas attack kar gayi.
Fir wohi line:
“Yeh anxiety mujhe pagal kar degi.”https://www.anxietycentre.com/recovery/falsely-believing-you-are-recovered/
Real Healing Ka Raasta: Doctor + CBT + Consistency
Uske baad maine:
✅ Doctor ki proper guidance li
✅ Structured medication course follow kiya
✅ CBT se apne negative patterns ko replace kiya
Aur aaj — main bilkul theek hoon.https://www.nimh.nih.gov/health/topics/anxiety-disorders
🔚 Moral of the Blog:
- ✅ Willpower important hai, lekin sirf usse recovery nahi hoti
- ✅ Doctor ki guidance aur structured treatment essential hai
- ✅ CBT se hi negative thought patterns ko positive mein badla ja sakta hai
- 🧠 Mental illness ek thought pattern disorder hai
- 💡 Positive patterns hone par mind same thought ko ignore kar deta hai
🔁 Long-Term Healing Tips:
- 🩺 Medicine zaroori hai
- 📒 CBT likhna aur follow karna zaroori hai
- 💪 Willpower ek support system hai
- ⏳ Consistency hi asli therapy hai
Agar aap bhi relapse aur healing ke beech jujh rahe hain, toh yaad rakho:
Yeh ladai sirf tumhari hai. Par tum akelay nahi ho.
1 thought on ““Relapse to Recovery: Anxiety Healing Ka Real Cycle””