Dekho yaar mai apse bilkul sach bolunga…
Jab ap medicine khata ho toh aisa lagta hai ke sab theek hai. Mujhe lagta tha ke anxiety kabhi thi hi nahi. Lekin jab wahi medicine lamba time tak khate ho, toh lagta hai ke yeh medicine bhi kaam nahi kar rahi. Apka mind slow ho raha hai, poora din aalas mein jaa raha hai.
Tab lagta hai — “yaar aise hi medicine khaata raha, aur mera dimaag slow hota raha toh main toh pagal ho jaunga…”
Fir apne mann se sochte ho ke medicine chhod do. Aur chhod dete ho.
Sochta ho ke “ab mai exercise, CBT, night dumb journal se apne aap nikal aunga…”
YouTube aur Instagram pe dekhte ho ke “ek week mein anxiety se bahar niklo.”
Aur fir sunte ho logon se ke “anxiety ke medicine kabhi band nahi hoti… jab tak khaoge tab tak theek ho, chhodi toh wapas aa jaayegi…”
Kahin na kahin yeh sach bhi hai, par poori tarah nahi.https://www.mayoclinic.org/diseases-conditions/anxiety/diagnosis-treatment
Kya hota hai hum logon ke saath?
Jab acha feel karte hai toh apni marzi se medicine chhod dete hai.
Exercise, walk, breathing, night dumb journal shuru karte hai — jisme kuch waqt ke liye relief milta hai.
Par fir jab overthinking ya koi bad news milti hai, fir se bechaini, ghabrahat, panic attack aa jaata hai.
Tab lagta hai — “shayad anxiety kabhi theek hoti hi nahi.”
Par yeh sach nahi hai.
Anxiety poori tarah theek ho sakti hai, agar proper doctor guidance, discipline aur daily routine follow kiya jaaye.
Main bhi wahi sab kar raha tha…
15 din medicine li, fir chhod di. 1 week discipline follow kiya — time se utha, exercise kiya.
Fir laga, ab toh theek ho gaya hu.
Aur fir vohi — late uthna, reels dekhna, walk miss, CBT skip, night journal next day ke liye chhod dena…
Yahi laziness, yahi comfort zone fir se anxiety laata hai.
Jab tak dard hota hai, tab tak hum serious rehte hai. Jaise hi halka relief milta hai, sab chhod dete hai.https://khuljamind.com/anxiety-9/
Mujhe yaad hai…
Jab mujhe panic attack aata tha, toh mai hospital bhaagta tha.
Doctor ke paas jaata, subah 6 baje uth kar meditation, CBT, breathing sab karta.
Par jaise hi 3-4 din baad acha lagta, sab chhod deta tha.
Fir wahi late night phone, reels, poor routine…
Tab fir se anxiety aa jaati thi.
Doctor ke paas fir jaata tha.
Fir wahi questions — “Sir kab tak theek hoga? Kya mai pagal ho jaunga?”
Kabhi kabhi toh suicide ke thoughts bhi aate the…
Lekin fir ek din maine decide kiya — “Ab bas, ab poore plan ke saath harana hai anxiety ko.”https://www.mayoclinic.org/diseases-conditions/panic-attacks/diagnosis-treatment
Maine ek strict routine banaya:
- Time se uthna
- Walk
- Meditation (20 min)
- Breathing exercise
- Job par jana
- Gym
- Night Dumb journal
- CBT form
- Time se sona
Pehle 2-3 din tough tha, boring tha, thakaan bhi hoti thi…
Par maza aane laga — khud ke liye jee raha tha.
21 din non-stop kiya, aur sach bolu toh aadat pad gayi.
Fir maine 3 mahine ka plan banaya.
Medicine doctor ke touch mein reh kar continue rakhi.
Apna routine aur tight kar diya.
5 baje uthta tha — jab duniya soti thi, main chalna shuru karta tha.
6 mahine ke baad doctor ne medicine band kar di.
Unhone bola — “Bas ab exercise aur routine banaye raho. Aur koi baat dil mein mat rakho. Zindagi apne tareeke se jiyo, kisi aur ke observation se nahi.”
Jab doctor ne bola ke medicine band hai, toh aisa laga jaise bda pathar nikal gaya.
Dost ke saath baithna, family functions mein hasna, hill trips pe jana — sab wapas aagaya.
Leh jaakar paragliding aur rafting bhi ki — bina ghabrahat ke.
Aaj 2 saal ho gaye…
Main anxiety se bilkul nikal chuka hoon.
Aaj meri shaadi ho chuki hai, ek pyara sa baby bhi hai.
Main har us insaan ko guide karta hoon jise anxiety ho — taaki voh bhi jeet sake.
Conclusion:
Maine anxiety ko haraya — apne routine, doctor ke trust aur khud pe control se.
Agar maine kiya, toh tum bhi kar sakte ho.https://khuljamind.com/anxiety-8/