Real BP aur Anxiety BP – yeh kya hota hai?
Kyuki humein toh bas yeh hi pata tha ke agar BP high hota hai, toh iska matlab hai heart problem, stroke, kidney issues, aankhon ki kamzori, ya phir body pain aur headache. Lekin kya aap jaante ho ki real BP aur anxiety BP actually do alag cheezein hoti hain?
Chalo, simple language mein samajhte hain.
Real BP kya hota hai? (Hypertension)
Real BP, jise medical terms mein Hypertension kehte hain, ek medical condition hai. Isme aapka BP consistently high rehta hai – jaise 140 ya usse bhi zyada – chahe aap relax ho ya stress mein ho.
Ye condition dangerous hoti hai, kyunki:
- Isse heart attack,
- stroke,
- kidney damage,
- aur kai aur chronic problems ho sakti hain.https://www.heart.org/en/health-topics/high-blood-pressure/understanding-blood-pressure-readings
Anxiety BP kya hota hai?
Anxiety BP tab hota hai jab aapka anxiety level peak par hota hai. Jaise kisi news se trigger ho gaye, ya panic mode mein chale gaye. Tab:
- Heartbeat fast ho jaati hai
- Chest tight ho jata hai
- Thanda pasina aata hai
- Aur BP spike karta hai – kabhi-kabhi 200 tak bhi chala jata hai!https://www.priorygroup.com/blog/anxiety-related-blood-pressure?utm_source=chatgpt.com
Mera khud ka experience:
Ek baar office mein mujhe anxiety attack aaya, kisi ki death ki news sunke.
Heart beat tezi se badhne lagi, bathroom gaya socha control ho jaaye – but kuch bhi control nahi ho raha tha. Ghabrahat itni badh gayi ke muh se nikal gaya:
“Maa, mujhe bacha le!”
Breathing exercise ki, lekin kuch farak nahi pada. Dosto ko awaaz maari, bola:
“Yaar, heart beat bohot fast ho rahi hai. Lag raha hai heart attack aane wala hai.”
Dost ne dekha, bola:
“Tere toh pasine bhi aa rahe hain.”
Itna sunte hi aur ghabra gaya. Bola:
“Hospital le ja, mai mar jaunga.”
Hospital ka scene
Doctor ke paas gaya, heart beat crazy fast thi.
BP check hua – 154.
Maine bola: “Mera ECG karao, mujhe admit karo.”
ECG room mein bhi ghabrahat, wire lagayi nahi ja rahi thi, maine khud hi wire hata di.
Doctor ke paas jaake rone laga:
“Bacha lo mujhe.”
Doctor ne emergency bed par le jaake:
- ECG
- BP
- Oxygen sab check kiya
Heart rate: 144
Admit karne ka likh diya, lekin jaise hi maine bola ki mujhe anxiety hai aur main medicine bhi le chuka hoon, unhone admit cancel kar diya aur ek injection diya. Injection ke baad neend aayi aur dheere-dheere sab normal hone laga.
Doctor ka jawab
Doctor ne bola:
“Kisi cheez ne aapki anxiety trigger ki, jisse aapko panic attack aaya. Heart beat aur BP isliye badh gaya.”
Maine pucha:
“Par mera BP toh kabhi high nahi hota. Aaj kaise badh gaya?”
Usne bola:
“Anxiety BP aur real BP alag hota hai.”
Toh farak kya hai Real BP aur Anxiety BP mein?
Real BP (Hypertension):
- Constantly high rehta hai
- Relaxed state mein bhi BP high hota hai
- Medical emergency hoti hai
- Long-term damage karta hai – heart, kidney, brain
- Lifestyle aur medicine se control hota hai
Anxiety BP:
- Temporary spike hota hai
- Sirf jab anxiety ya panic attack hota hai
- Jaise-jaise anxiety calm hoti hai, BP bhi normal ho jaata hai
- Isko “artificial BP” bhi kehte hain
- Medicine ki zarurat mostly nahi hoti, unless frequent hohttps://www.mayoclinic.org/diseases-conditions/high-blood-pressure/expert-answers/anxiety/faq-20058549?utm_source=chatgpt.com
Mera research aur samajh
Mai v satisfy nahi tha. Toh:
- YouTube videos dekhe
- Blogs padhe
- Doctors se consult kiya
- Heart specialist se phone pe baat ki
Sabne ek hi baat boli:
“Anxiety ke time body danger mode mein chali jaati hai. Isliye heart beat aur BP dono high ho jaata hai. Jaise hi panic attack control hota hai, sab normal hone lagta hai.”
Anxiety BP kaise control karein?
- Meditation
- Mindfulness practice
- Morning walk ya workout
- CBT form fill karna
- Mind dumping (jo dimag mein hai likh do)
- Affirmations
Ye sab aapke mind + body dono ko calm karte hain.https://khuljamind.com/anxiety-8/
Real BP kaise control karein?
- Bad diet, junk food, extra salt, stress, no exercise = Real BP ke main reasons
- Daily walking karo, cricket ya gym jao
- Alcohol/smoking chhodo
- 8 ghante ki neend lo – scientifically proven hai body ke liye essential hai
- Doctor se consult karo
- Medicine se BP ko stable karo
Conclusion
Real BP (Hypertension) ek medical condition hai jo dangerous ho sakti hai. Ignore mat karo.
Anxiety BP temporary hota hai – trigger ke baad aata hai, lekin control ho sakta hai.
Agar lagta hai ke BP high hai:
- 5 din tak roz 3 baar BP measure karo
- Agar har baar high ho, toh doctor se milo
- Agar anxiety ke time hi high ho, toh tension lene ki zarurat nahi
Agar yeh blog helpful laga ho, toh please:
❤️ Like
💬 Comment
🔁 Share karo
@khuljamind ke sathhttps://khuljamind.com/anxiety-9/