Kya anxiety se heart attack ho sakta hai?
Isse pehle humein yeh pata hona chahiye ki anxiety hoti kya hai. Anxiety start kahaan se hoti hai?
Uske baad hi hum samajh paayenge ki anxiety se heart attack ho sakta hai ya nahi.
Anxiety
Anxiety start hoti hai humari negative overthinking se. Jab hamare dimaag mein negative thought pattern strong ho jaata hai, tab humein pehle toh mentally feel hota hai.
Mentally kaise feel hota hai?
Hum poore din ek hi baat sochte rehte hain.
Maan lo kisi ki death ho gayi aur tumne suna ki “haan yaar, uski death ho gayi.” Aur tum dono same post pe ho kisi bhi company mein.
Tumhare dimaag mein aana lagta hai – “Haan yaar, iss job mein pressure bahut hai… usse bhi achanak heart attack aaya, mujhe bhi na aa jaye.”
Bas, tumhare dimaag mein ek baat se doosra negative thought loop ban jaata hai.
Aur tum poore din ussi cheez ke baare mein soch-soch kar pareshan hote rehte ho.https://khuljamind.com/anxiety/
Overthinking
Doosra example:
Maan lo tumhara overthinking yeh keh raha hai ki sab tumhare peeth peechhe burai karte hain.
Toh tumhare dimaag mein koi bhi saamne baithe, tumhe lagta hai – “Haan yeh, isne mujhe bola tha… yeh mera mazak bana rahe hain… ek din inhe bataunga!”
Fir ek din koi react karta hai toh tumhe lagta hai – “Isse toh main maar hi doonga!”
Tum overthinking ke jaal mein phas jaate ho. Apne hi thoughts se poore din ladte ho, apne mind ko bhi fatigue karte ho, body ko bhi, aur family ke saath baithe hote ho tab bhi apne hi khayalon mein khoye rehte ho.
Pehle toh tum mentally pareshan hote ho, lekin dheere-dheere yeh mental distress physical feel hone lagta hai.https://khuljamind.com/overthinking/
Gym Wali Story
Maan lo kisi ki gym mein workout karte hue achanak death ho gayi.
Pehle tum bade aaraam se gym jaate the, poora zor lagate the.
Lekin jabse suna ki gym mein kisi ko heart attack aaya, tumhara gym jaane ka mann hi nahi karta.
Tumhe lagta hai – “Kahin meri bhi aise death na ho jaaye.”
Tum gym jaate ho fit hone ke liye, na ki marne ke liye.
Mann mein negative thoughts aane lagte hain.
Jo pehle 15kg ke dumbbell easily utha lete the, ab sirf 7.5kg utha paate ho.
Kyuki kisi news channel ya YouTube video ne bataya ki gym deaths ka main reason heavy lifting hai.
Real Physical Symptoms Hone Lagte Hain
Ab hota kya hai?
Thoda workout karte ho, toh sans chadh jaati hai, sweating hoti hai, heart beat fast hoti hai.
Kyuki tum soch rahe ho – “Kahin mujhe heart attack na aa jaaye!”
Jabki jab us ladke ki gym mein death hui thi, tumhe us samay koi physical issue nahi tha.
Bas darr tumhare mann mein baith gaya hai.
Itni study kar li hai tumne gym aur heart attack pe ki ab symptoms body mein feel hone lag gaye hain.
Doctor, Tests, Aur Fir Bhi Darr
Tumne kai baar doctor ko dikhaya.
ECG, Echo, Blood Test – sab normal.
Phir bhi tum sochte ho – “Mere saath hi aisa kyun ho raha hai?”
Yeh sab ho raha hai tumhare negative thought pattern ke strong hone ki wajah se.
Tumhara mind keh raha hai – “Mujhe heart attack aayega.”
Tum hospital ke aas paas rehna chahte ho, taaki agar kuch ho gaya toh turant hospital pahuch sako.
Symptoms: Real Lagte Hain, Par Heart Attack Nahi
Tumhe symptoms feel hote hain:
- Pasina aana
- Left hand pain
- Heart beat fast hona
- Ghabrahat
- Haath-pair kaapna
- Behosh hone jaise lagna
- Maut ka darr
Lekin yeh sab anxiety aur overthinking ka natija hai.
Harvard Health ke according, anxiety directly heart attack nahi laata, lekin agar anxiety chronic ho jaaye toh wo aapke heart ke liye long-term risk create kar sakti hai.
🔗 Read Harvard Health’s article
Kya Anxiety Se Heart Attack Ho Sakta Hai?
Answer hai: NAHI.
Anxiety se heart attack nahi hota.
Heart attack aur anxiety dono bilkul alag cheezein hain.
Johns Hopkins Medicine ke mutabik, anxiety heart rhythm disturb kar sakti hai, aur agar kisi ka pehle se heart weak hai, toh usme risk slightly badh sakta hai.
🔗 Read Johns Hopkins’ article
Anxiety mein heart attack jaise symptoms feel hote hain, isliye lagta hai ki sach mein heart attack ho raha hai.
Lekin aisa nahi hota.
Heart Attack Kab Hota Hai?
Jab aapko real heart related problem ho:
- Arteries blocked ho
- Cholesterol level high ho
- High/low blood pressure ho
- Diabetes ho
- Aur yeh sab chronic ho
Tab aapko heart attack ho sakta hai.
Lekin anxiety mein yeh sab nahi hota.
Mindfulness Aur Therapy
Anxiety mein symptoms kuch time ke liye hote hain.
Jab aap mindfulness ya CBT therapy ya medicine lete ho, toh mind relax hota hai aur sab normal lagne lagta hai.
Anxiety mein jo heart attack jaise symptoms hote hain, unka asli root hota hai:
- Childhood trauma
- Kisi close ki death
- Over-exposure to health content
- Strong negative thought pattern
- Phobia
Winter Phobia
Tumne notice kiya hoga – jaise hi thand ka mausam aata hai, news mein heart attack ki cases badh jaate hain.
Toh tumhe lagta hai – “Heart attack toh sirf winter mein aata hai.”
Aur phir tum winter phobia develop kar lete ho.
Chahe jitne kapde pehn lo, tumhe lagta hai thand lag rahi hai, heart beat fast ho rahi hai, blood jam raha hai – “Kahin heart attack na aa jaye!”
Anxiety Mein Heart Rate Kyu Badhta Hai?
Anxiety mein heart rate isliye badhta hai kyunki mind body ko danger signal deta hai.
Heart rate 100–130 tak ja sakta hai.
Panic attack mein 130–160 tak.
Aur kabhi kabhi usse bhi zyada.
Lekin jaise hi anxiety normal hoti hai, heart rate bhi normal ho jaata hai.
Agar anxiety ke baad bhi heart rate 100+ continuously hai, toh doctor se consult karna chahiye.
Anxiety Mein BP Bhi Badhta Hai
Anxiety mein BP bhi badhta hai – yeh bilkul normal hai.
Jab aap itna dar jaate ho, body ka blood circulation fast ho jaata hai.
Mera khud ka BP ek baar 110/160 tha.
Mujhe laga – “Ab heart attack aayega!”
Lekin doctor ne bola – “Yeh anxiety ke wajah se hai, tum theek ho jaoge.”
Conclusion
Conclusion yehi hai:
Anxiety se heart attack nahi hota.
Lekin agar heart rate continuously 100+ ya BP high rehta hai, toh doctor se zarur milna chahiye.
Agar tumhe anxiety hai aur lagta hai heart attack aayega – toh mat daro.
Yeh sirf anxiety ka illusion hota hai.
Real heart attack tab hota hai jab real heart issue ho.
Aur anxiety ke symptoms sirf tumhare dimaag ke negative patterns, trauma aur phobia ka result hote hain.
Agar yeh blog tumhe helpful laga, toh please Like, Share aur Comment karo.
Follow karo: @khuljamindhttps://khuljamind.com/anxiety-8/