Panic attack tab hota hai jab tumhe lagta hai ke bas tum ab marne wale ho. Ab maut tumhare samne khadi hai. Tum ro rahe hote ho, aur jo tumhare saath hota hai usse bas yeh dua kar rahe hote ho ki, “Mujhe ek baar bacha lo, aaj bacha lo… mai tere peeche jaan de dunga.”
Tum kuch samajh nahi pa rahe hote. Tum doctor ke paas jaa kar bas itna bol paate ho:
“Doctor saab mujhe bacha lo, main mar jaunga. Abhi toh maine duniya bhi nahi dekhi. Abhi toh meri padhai complete hi hui hai…”
Us waqt tumhare saare past experiences tumhari aankhon ke samne aa jaate hain. Tumhe yaad aata hai ke kab tumne kis ke saath galat kiya aur kab sahi. Tumhe lagta hai ke shayad tumhari kisi galti ki wajah se aaj yeh sab ho raha hai.
Tumhe maa baap yaad aate hain. Tumhara dimaag bolta hai, “Ek baar mummy se milwa de, shayad yeh meri last mulaqat ho…”
Tumhare dil se awaaz aati hai ke apni maa ke saamne haath jod kar maafi maang lo. “Mummy meri saari galtiyan maaf kar dena. Jo kabhi tujhe ulta jawab diya, ghar late aaya, call ignore kiya… mujhe maaf kar de, main mar jaunga.”
Tumhe apni first girlfriend bhi yaad aati hai — jisse ab breakup ho chuka hai. Tum soch rahe hote ho, “Yaar, usse ek baar sorry bolna tha. Uske saath maine bohot bura kiya… gaaliyan di, shak kiya, mentally harass kiya, haath bhi uthaaya… aur usne kabhi palat kar jawab bhi nahi diya.”
Panic attack aisa feel karwata hai jaise tum abhi heart attack se marne wale ho.
Tumhe real symptoms feel hote hain — left hand mein pain, chest mein heaviness, saans kheench kheench kar lena. Tumhara dimaag chillata hai:
“Bas ab heart attack aaya, aur ab meri death hai.”
Meri Pehli Panic Attack Experience – Shaadi Ke Baad
Shaadi ke baad mujhe pehli baar jab panic attack aaya, toh mujhe laga ke meri death abhi ho jaayegi.
Main 2-3 saal se anxiety ke medicines le raha tha. Thoda theek ho gaya tha, isliye medicine chhod di. Lekin phir mere papa ko heart attack aaya aur hospital mein admit karna pada.
Jab maine unhe ventilator par dekha, toh ek baar apne hospital ka garden ghooma. Wahan sabhi ventilator par the… sab maut se lad rahe the. Mujhe paseena aa gaya, main bhaag gaya. Saans nahi aa rahi thi. Heartbeat itni tez thi ke laga abhi heart attack aayega.
Mummy keh rahi thi, “Shant ho ja beta.”
Lekin mujhe lag raha tha abhi mai mar jaunga. Do bottle paani pi gaya. Phir kisi ko call kiya aur 30 minutes baat karke thoda normal hua.
Kuch din baad mere papa ki death ho gayi. Dard chhupa liya sabse. Mummy ko batata toh wo bhi tension leti. Dil mein bas yeh guilt tha ke sab kuch andar hi andar pal raha hai.
Phir Ek Aur Panic Attack – Shaadi Ke 15 Din Baad
Shaadi ke kuch din baad main job se thak kar aaya. Shaam ke 6 baje so gaya. Jab utha, mummy hall mein chachi se baat kar rahi thi. Chachi ne bola, “Kal toh chacha ki sugar bohot kam ho gayi thi.”
Maine suna – sugar 25 thi.
Google kiya — sugar 25 matlab coma ya death. Bas yeh padhte hi fir se wohi haal —
Heartbeat ultra fast, saans nahi aa rahi, panic attack.
Maine wife ko bola:
“Mujhe hospital le chalo, abhi. Mera heart attack aane wala hai.”
Main nange pair ghar se bhaag gaya. Wife ne roka. Mummy, bhai bhaagte hue aaye. Bhai bola, “Aaram kar le, theek ho jaayega.”
Maine gusse mein thappad maar diya:
“Jab mar jaunga tab leke jaayega? Abhi le ja!”
Emergency mein jaake bola:
“Doctor saab, heart attack aaya hai, bacha lo!”
Diagnosis – Panic Attack Hai, Heart Attack Nahi
Doctor ne pehle BP check kiya — 100/140. Machine mein heart rate, oxygen sab measure kiya. Jab maine unhe bataya ke mujhe anxiety ki history hai aur medicines chhod di thi, tab unhone samjha:
“Tujhe panic attack aaya hai. Tumne koi baat suni jisse anxiety trigger ho gayi. Tumhara fear heart attack se related hai, isliye tumhe wohi symptoms feel hue.”
Fir unhone injection diya. 30 minutes rest ke baad main normal ho gaya.
Hospital se ghar aaya, lekin dimaag mein guilt chal raha tha —
“Meri wife kya soch rahi hogi? 15 din hue shaadi ko… aur main nanga pair, haath jod kar pagal jaise bhaag raha tha hospital?”
Panic Attack Ka Treatment Kya Hai?
Mummy ne bola:
“Ab jo ho gaya, usse chhodo. Doctor ne kya bola?”
Maine kaha: “Kal OPD mein dikhana hai.”
Next day wife ke saath hospital gaya. Doctor ne medicines di, routine improve karne bola. Diet change kiya, routine fix kiya, overthinking ko control kiya. Dheere dheere anxiety aur panic attack se bahar aaya.https://www.msdmanuals.com/professional/psychiatric-disorders/anxiety-and-stressor-related-disorders/panic-attacks-and-panic-disorder?ruleredirectid=743
Panic Attack ke 5 Sabse Common Symptoms
1. Marne ka Darr (Fear of Dying)
Jab panic attack aata hai na, lagta hai ke bas ab mai marr jaunga. Jaise agar tumhe heart attack ka phobia hai, toh tumhari heartbeat bahut tezz ho jaati hai. Tum apni heart beat ko clearly feel kar paate ho, aur lagta hai ke yeh sab real ho raha hai. Dimaag confuse ho jaata hai — yeh real heart attack hai ya panic attack ka illusion? Tum bhaagoge, logon se request karoge ke “Mujhe hospital le chalo!” Kyunki uss waqt, woh ghabrahat itni real lagti hai ke fark hi nahi padta ke kya sach hai aur kya mind ka game hai.
2. Pagal Hone ka Darr (Fear of Losing Control or Going Crazy)
Panic attack ke time insaan apne actions ko samajh nahi paata. Mann lo tum naha rahe ho, aur tumhare dimaag mein ek kahani chalti hai — kisi ko bathroom mein nahaate waqt brain hemorrhage ho gaya. Bas, wahi phobia tumhare dimaag mein chipak jaata hai. Jab tum pehle se hi anxious ho aur nahaate waqt thanda paani girta hai, toh panic attack bathroom mein hi aa jaata hai. Tum nange hi bahar aa jaate ho, maa, behen ya wife ke saamne, bas hospital jaane ki demand karte ho. Jab sab normal ho jaata hai, toh guilt aur sharam lagti hai ke “log kya sochenge?” Tumhe lagta hai ke tum pagal ho gaye, aur har kisi ko lagta hoga ke yeh banda mentally unstable hai. Yeh fear itna real hota hai ke har baat, har gesture tumhe personal lagne lagta hai.
3. Rapid Heartbeat (Dhadkan Bahut Tezz Chalna)
Agar tumhe heart attack ka darr hai, chahe kisi past trauma se ya kisi relative ke experience se, toh tum hamesha uske symptoms ke baare mein sochoge. Tum YouTube se leke AI tak sab kuch pad loge: pasina aana, left arm pain, saans lene mein dikkat… Ab bas, jaise hi tumhe inme se koi bhi ek symptom feel hota hai — for example, garmi mein pasina — tumhara anxiety trigger ho jaata hai. Heartbeat 100x fast ho jaati hai, tumhe lagta hai ke ab heart attack aa gaya. Tum bhaagte ho hospital, lekin doctor ke checkup ke baad sab normal aata hai — BP, ECG sab thik. Tab jakar chain milta hai. Yeh hota hai panic attack — jisme symptoms real lagte hain, lekin asal mein yeh anxiety ka game hota hai.https://khuljamind.com/anxiety-psychological-reasons/
4. Saans Lene Mein Dikkat & Beshosh Ho Jana Ka Darr
Panic attack mein lagta hai ke saans atak rahi hai. Tum deep breath lene ki koshish karte ho, kuch pakad lete ho, lekin phir bhi lagta hai ke saans ruk gayi hai. Is discomfort mein tumhe lagta hai ke ab toh heart attack, brain hemorrhage ya stroke ho gaya. Akhon ke samne andhera chha jaata hai, dizziness feel hoti hai, sunai kam padta hai — sab kuch blur ho jaata hai. Hospital le jaate ho toh doctor kehte hain sab normal hai. Tab tumhara dimaag thoda relax karta hai.
5. Pasina Aana (Sweating)
Panic attack ya phobia ka pehla signal hota hai pasina aana. Kabhi cold sweat, kabhi pure body mein extreme sweating. Jo log bachpan se sunte aaye hain ke pasina heart attack ka sign hai, unka anxiety immediately trigger ho jaata hai. Pasina aata hai, tum saaf bhi karte ho, lekin woh rukta nahi. Agar tumhara mind positive thought pattern mein hota hai toh tum control kar lete ho, lekin negative thoughts hote hain toh yeh sweating full-blown panic attack mein badal jaata hai.https://khuljamind.com/anxiety-kaise-feel-hoti-hai-physical-aur-emotional-signs/
Panic Attack se Bahar Nikalne ke 5 Powerful Treatments
1. CBT (Cognitive Behavioural Therapy)
CBT scientifically proven hai ke yeh medicine ke barabar kaam karti hai. CBT mein hum apne negative thought patterns ko pehchaan kar unhe challenge karte hain, aur unko positive thoughts mein convert karte hain. Childhood se leke aaj tak jo negative soch humne collect ki hai, usi se anxiety aur panic disorder develop hota hai. CBT se hum apne routine mein — ghar ho, office ho ya college — har jagah control seekhte hain.
2. Positive Affirmations
“Jo tum sochte ho, wahi tumhare saath hota hai” — yeh baat sach hai. Isiliye, subah uthte hi aur raat ko sone se pehle, positive affirmations sunna ya bolna bahut important hai. YouTube pe hazaron affirmations available hai. Tum apni awaaz mein record karke bhi sun sakte ho. Daily positive thoughts sunne se negative thought pattern dheere-dheere break hota hai aur naye positive pattern develop hote hain, jisse anxiety aur panic ka impact kam hota hai.https://khuljamind.com/stress-vs-anxiety-dono-mein-kya-farak-hai/
3. Meditation & Breathing Exercises
Yeh dono cheezein focus aur emotional control ke liye bahut powerful hain. Panic attack ka asli dushman hamara dimaag hai, jo har waqt sochta rehta hai. Meditation se tumhara mind calm hota hai. Shuruaat mein mushkil lagta hai, lekin ek kaali bindu deewar par bana kar us par 2 minute focus karo, phir dheere-dheere waqt badhao. Breathing exercise mein naak se saans lena aur chhodna, slow and steady pace mein, tumhare focus ke saath lungs aur heart health ko bhi strong karta hai.
